ASTANA. 5 qańtar. Bas prokýror Ashat Daýylbaev ústimizdegi jyldyń 4 aqpanynda kezekti ret azamattardy jeke qabyldady. Aryzdanýshylardyń shaǵymdary sot aktileriniń zańdylyǵyna, sondaı-aq qylmystyq prosestiń sotqa deıingi satysyndaǵy buzýshylyqtarǵa qatysty boldy. Bul týraly Bas prokýratýranyń baspasóz qyzmeti habarlady.
A.Daýylbaev keltirilgen barlyq dálel-dáıekterdi jan-jaqty tekserýdi qamtamasyz etýdi, zańdylyqtyń buzylýy anyqtalǵan jaǵdaıda prokýrorlyq qadaǵalaý aktisin engizip, azamattardyń buzylǵan quqyqtaryn qalpyna keltirý boıynsha sharalar qabyldaýdy tapsyrdy.
Bas prokýrordyń jeke qabyldaýy barysynda 2014 jyly 118 shaǵym túsken. Olardyń basym bóligi sot aktilerine narazylyq keltirýge (88) qatysty bolsa, 23 shaǵym boıynsha qylmystyq qýdalaý organdarynyń prosessýaldyq sheshimderiniń zańdylyǵyna jáne áleýmettik-ekonomıkalyq saladaǵy sheshimderdiń (7) burystyǵyna shaǵym túsirilgen.
Bas prokýror 36 aryzdanýshyny beınekonferensııalyq baılanys arqyly qabyldaǵan, bul jeke qabyldaýdyń ýaqytty jáne materıaldyq qarajatty únemdeý turǵysynan yńǵaıly da tıimdi túri bolyp tabylady.
О́tinishterdi zerdeleý nátıjesinde Bas prokýror sot aktilerine qadaǵalaý narazylyqtaryn engizip, tergeý jáne anyqtaý organdary aktileriniń kúshterin joıdy jáne aryzdanýshylardyń dálelderin tergeý jolymen tekserý maqsatynda birneshe qylmystyq is qozǵady.
Sondaı-aq Bas prokýratýranyń ótinishterdi qaraý týraly zańdardyń qoldanylýyn qadaǵalaý jáne is júrgizý basqarmasynyń qyzmetkerleri 1 287 adamdy kúndelikti jumys barysynda qabyldaǵan. Negizinen azamattar qylmystyq, qylmystyq-prosestik zańdardyń normalaryn qoldaný, qylmystyq qýdalaý organdary áreketiniń zańdylyǵy máseleleri boıynsha shaǵymdanǵan. Barlyq suraqtar boıynsha prokýrorlar jan-jaqty túsindirý jumystaryn júrgizdi, qajetine qaraı mundaı jumystarǵa tıisti bólimshelerdiń qyzmetkerleri de qatystyrylyp otyrdy.
Prokýratýra organdarynda azamattardyń bergen ótinishterine erekshe mán beriledi, óıtkeni bul – senim artý deńgeıiniń mańyzdy kórsetkishi bolyp tabylady. Sondyqtan da buzylǵan quqyqtardyń ýaqtyly jáne jedel qalpyna keltirilýi qadaǵalaý qyzmetiniń basty basymdyqtardyń biri bolyp qala bermek.
Joldybaı Bazar.
Derek: Bas prokýratýranyń baspasóz qyzmeti.
Sýret: prokuror.gov.kz.