Qazaq sýmoshysy Ersin Baltaǵul Tokıoda ótken Hasý bashıonyń eń joǵarǵy alańy Makýchı dıvızıonyndaǵy jarysta úzdik úshtikten kórindi, dep habarlaıdy Egemen.kz.
Ersin sýmoda Kınbozan Harýkı atymen kúresedi. Jyldyń alǵashqy jarysyn otandasymyz sátti bastady. 15 kún ishinde 13 qarsylasyn utyp, 2-ne jol berdi. Sońǵy jarys kúnine deıin kósh bastap turdy.
Sońǵy jarys kúni qorytyndysy boıynsha Kınbozan sekildi nátıjege mońǵol Hoshorıý Bıambasúren men japon Oho Konosýke de qol jetkizdi. Nátıjesinde úsh sportshy ózara kúresip, úzdikti anyqtady.
Aınalmaly júıede ótken chempıondyq beldesýde Ersin eki qarsylasyna da ese jiberip aldy. Mońǵol balýany chempıon atanyp, sýmonyń eń joǵarǵy ataǵy Iokozýna dárejesine qol jetkizdi. Bul ataqqa ıe bolǵan 6-shy mońǵol sýmoshysy atandy.