AQSh prezıdenti Donald Tramp Kolýmbııaǵa qarsy birqatar sanksııa engizdi. Oǵan eldiń mıgranttar mingen AQSh ushaqtaryn qabyldaýdan bas tartýy sebep boldy, dep habarlaıdy Egemen.kz BBC málimetine silteme jasap.
Tramp óziniń Truth Social áleýmettik jelisindegi akkaýntynda oǵan «kóptegen zańsyz qylmyskerlerdi tasymaldaǵan AQSh-tan kelgen eki repatrıasııa ushaǵynyń Kolýmbııaǵa qonbaıtynyn» habarlanǵanyn jazdy.
Onyń aıtýynsha, bul qadam AQSh-tyń ulttyq qaýipsizdigine zııan keltiredi, sondyqtan ol Kolýmbııaǵa qarsy ártúrli sharalardy qoldanýǵa buıryq berdi, sonyń ishinde:
AQSh-qa kiretin barlyq taýarlarǵa 25% jedel tarıfter;
Kolýmbııa úkimetiniń sheneýnikteri, olardyń barlyq odaqtastary men jaqtastary úshin saıahatqa tyıym salý jáne vızalardy dereý joıý;
Kolýmbııa úkimetiniń barlyq partııa múshelerine, olardyń otbasy múshelerine jáne jaqtastaryna qarsy vızalyq sanksııalar.