ATYRAÝ. 5 aqpan. Atyraý qalasyndaǵy «Qazposhta» bólimshesi jańǵyrtylyp, halyqqa qyzmet kórsetý aıasyn keńitti. Bul týraly egemen.kz tilshisi habarlady.
Endi «Avangard-3» shaǵyn aýdanyndaǵy №9 poshta bólimshesiniń aýmaǵy eki, halyqqa qyzmet kórsetetin operatorlar sany úsh esege artyp otyr. «Qazposhta» aksıonerlik qoǵamy Atyraý oblystyq fılıalynyń dırektory Erjan Omarovtyń aıtýynsha, munda abonenttik jáshikter de ornatyldy. Onyń jalǵa alý aqysy –1 myń teńgeden 3 myń teńge aralyǵynda belgilenipti. Sonymen birge, táýlik boıy jumys isteıtin «24/7» jelisi de iske qosyldy. Mundaǵy taǵy bir erekshelik – elektrondy kezek ádisi qoldanylady. Bólimshedegi jumys tártibi beınekamera arqyly baqylanady.
«Búgingi tańda Atyraý oblysynda halyqqa 98 bólimshe qyzmet kórsetedi. Sonymen birge, 6 jyljymaly beketimiz bar. Bul – brondalǵan kólik. Onda noýtbýk, prınter, GSM-modem sekildi osy zamanǵy tehnologııamen jumys jasaý úshin derbes elektrmen qamtý júıesi ornatylǵan. Qazir jyljymaly beketterimiz Qurmanǵazy, Isataı, Mahambet, Inder jáne Qyzylqoǵa aýdandarynyń eldi mekenderinde qyzmet kórsetip keledi. Osyndaı bir bekettiń qyzmetin Atyraý qalasynyń mańyndaǵy eldi mekender úshin paıdalanyp otyrmyz», deıdi fılıal dırektory Erjan Omarov.
Joldasbek Shópeǵul.
Derek: egemen.kz.
Sýret: Rahym Qoılybaev.