Pavlodar oblysy Sharbaqty aýdanynda 1990 jyldary 37 mekteptiń 3-i qazaq tilinde boldy. О́zge ult ókilderi kóp turdy. Qazaq tilinde bilim alatyn oqýshylardyń sany 2000 jyldary 62 paıyzǵa jetti. Osy bir ıgilikti isti júzege asyrýǵa, ata-analarmen kezdesip, balalaryn qazaq mektepterine berýge Qaharman Zaǵyt bastaǵan Halyqaralyq «Qazaq tili» qoǵamynyń aýdandyq fılıaly úlken úles qosty. 1993 jyly jerlesimiz, abyz aqyn Muzafar Álimbaevtyń 70 jyldyq mereıtoıyn atap ótýde de Q.Zaǵyt belsendilik tanytty. Til bólimi arqyly arnaıy kýrstardan ótip, bilimin jetildirgen jastar búginde bilikti mamandardyń qataryna qosyldy. Qazaq tilin ájeptáýir meńgerip alǵan basqa ulttyń ókilderi de bar. Q.Zaǵyt jer sý, aýyl, kóshe ataýlarynyń baıyrǵy attaryn qaıtarýda da úlken jumys atqardy. Kóshi-qon, oralmandardy ornalastyrý máselesimen de shuǵyldandy.
Til men onamastıka máselesi ol kisiniń jumysynyń basty taqyryby boldy. Aýdandyq kásipkerler odaǵynyń tóraǵasy Temirbolat Qarashashtyń aıtýynsha, Q.Zaǵyt 46 jyldyq eńbek jolynyń 25 jylyn memlekettik qyzmetke arnapty.
Q.Zaǵyt 1971 jyly Almaty mal dárigerlik ınstıtýtyn bitirgen soń oblysqa joldamamen keldi. Eńbek jolyn Maraldy keńsharynda mal dárigeri bolyp bastaıdy. Qaharman Qamataıulyna amandyq tileımiz.
Farıda Byqaı.
Sýret: egemen.kz.