Pavlodarda jasóspirim qyzdar ózderimen jasy shamalas qyzdy soqqyǵa jyqqan. О́ńirdiń balalar quqyǵy jónindegi ýákili Sáýle Shakeneva mán-jaıdy aıtty, dep habarlaıdy Egemen.kz.
Áleýmettik jelide aıaýsyz soqqyǵa jyǵylǵan qyzdyń vıdeosy tarady. Vıdeony tóbelesti bastaǵan qyzdyń ózi jarııalap jibergen. Pavlodar polısııasynyń málimetinshe, qyzdardyń kim ekeni anyqtalǵan. Qylmystyq is qozǵaldy.
Vıdeodan qyzdardyń biri dıvanda otyrǵan jasóspirim qyzdy uryp, artynsha jerge qulatyp, urýyn jalǵastyrǵanyn baıqaýǵa bolady.
Polısııa málimetinshe, kúdikti – kámeletke tolmaǵan qyz. Onyń ata-anasy balany tárbıeleýdegi óz mindetterin durys oryndamaǵany úshin jaýapkershilikke tartyldy.
- Jasóspirim profılaktıkalyq baqylaýǵa alyndy. Bul týraly Pavlodar qalasy ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý komıssııasynyń qaraýyna engizildi, dep habarlady polıseıler.
Sáýle Shákenovanyń sózinshe, basty kúdikti – 16 jastaǵy stýdent qyz. Jábirlenýshi qyz 19 jasta. Bul oqıǵaǵa qatysty qylmystyq is qozǵaldy. Zań boıynsha mundaı áreketterge 80 aılyq eseptik kórsetkishke (314 myń teńge) deıingi mólsherde aıyppul, ne sol mólsherde túzeý jumystary, ne seksen saǵatqa deıingi merzimge qoǵamdyq jumystarǵa tartý, ne jıyrma bes táýlikke deıingi merzimge qamaýǵa alý túrindegi jaza qarastyrylady.