Múmkindikke saı mindetter

Jarqyn bolashaǵyna berik senimdi, halqynyń myǵym qoldaýyna ıe el ǵana aldyna árdaıym úlken asýlar qoıa alady desek, sonyń naqty kórinisin kezekten tys prezıdenttik saılaýdan soń ómirimizde erekshe esken jańa serpin aıǵaqtap otyr. Elbasy N.Á. Nazarbaevtyń Qazaqstan Respýblıkasy Prezıdenti laýazymyna kirisý rásiminde sóılegen sózinde kór­setilgen bes aýqymdy ishki mindet bárimizge ortaq joǵary jaýapkershilik júkteıdi. Ony iske asyrýǵa laıyqty úles qosýǵa belsene atsalysý árqaısymyzdyń azamattyq paryzymyz bolýǵa tıistigi anyq.

Otandyq farmasevtıka ónerkásibiniń oshaǵy – «Fıtohımııa» ha­lyqaralyq ǵylymı-óndiristik holdıng ujymy óz is-maq­satyn osylaı túsinedi. Memleket basshysy: «Biz qysqa merzimde óte kóp jumys atqardyq. Búginde Qazaqstan – Ortalyq Azııadaǵy eko­nomıkalyq kóshbasshy. Biraq toqtaýǵa bolmaıdy. Reformalar ulttyq ekonomıkany bilimge negizdelgen ozyq ekonomıkaǵa aınaldyrady», dep qadap aıtqandaı, búginde biliktilik men kásiptik deńgeıi ósýdegi árbir qazaqstandyqtyń óz eliniń ıgiligi úshin jumys isteýine tolyqtaı múmkindigi bar. Muny jergilikti tabıǵı ósimdikter quramynan dárilik ónimder jasap, shıpalyq qasıetterin alysqa tanytýshy áriptesterimniń eńbegi dáleldep keledi. Bul rette jetistikterimiz az emes. Alaıda, oǵan toqmeıilsý oıymyzda joq. Qaıta syrtqy rynokta óte ótimdi fıtopreparattar túr-túrin shyǵarýdy ulǵaıtyp, taıaý arada elimizde óndirilý kólemin Elbasy tapsyrmasyna sáıkes 50 paıyzǵa jetkizý mindeti aldymyzda tur. Sondyqtan bul kúndegi tynymsyz izdenisimiz ben udaıy umtylysymyz osy mereıli iske baǵyttalǵan. Aıqyn mindet pen naqty maqsat, mine, bizge qashanda qaırat berýshi kúsh osy. Sol arqyly jańa jetistikterge qadam qaryshtaı túsýine qýanyshtymyz. Borash TILEÝOV, «Fıtohımııa» halyqaralyq ǵylymı-óndiristik holdınginiń zerthana meńgerýshisi, hımııa ǵylymdarynyń doktory, professor. QARAǴANDY.

Elbasy sózinen senimim bekı tústi

Bıylǵy pre­zı­denttik saılaý – jasym kámeletke tolyp, daýys berýge quqyly bolǵaly ózim ekinshi ret qatysqan iri saıası naýqan. Buǵan deıingi 2011 jylǵy prezıdenttik saılaýda prezıdenttikke kandıdat N.Á.Nazarbaevtyń senim bildirilgen adamy bolǵan edim, bıyl da sol tájirıbemdi jalǵastyrýdyń sáti tústi. Oblystyq deńgeıde saılaýaldy úgit-nasıhat jumystaryna qatystym. Bul saılaý qorytyndysynda Nursultan Nazarbaev biraýyzdan jeńiske jetip, el tizginin óz qolyna aldy. Álemdi mazasyzdyqqa dýshar etken alýan keleńsizdikter kezeńinde bul durys tańdaý boldy. Ulyqtaý sharasynda Elbasynyń tebi­renispen aıtqan sózderin teledıdardan tyńdadym. Bıylǵy saılaýdyń daýys berýshiler kóptep kelgendigimen erekshelenetindigin aıtqan Memleket basshysy ózine degen barsha otandastardyń yqylasyn «senim mandaty» dep qabyldaıtyndyǵymen-aq ózine júktelgen mindet pen paryzǵa qanshalyqty qurmetpen qaraıtyndyǵyn ańǵartty. Ulyqtaý sátinde Memleket basshysy táý­elsiz Qazaqstan tańdaǵan jol jáne mem­leketimizdiń buǵan deıingi kezdesken qıyndyqtardy eńserý tájirıbesi týraly aıtyp, aldaǵy baǵyttarǵa toqtaldy. Jahandyq qıyndyqtar, álemdik qarjylyq-ekonomıkalyq turaqsyzdyq, memleketter arasyndaǵy teketires pen dinı sıpattaǵy qaýipterdiń tıgizýi yqtımal keleńsizdikterdiń aldyn alý úshin myqty ekonomıkalyq saıasattyń qajet bolǵandyǵyn, ol úshin «Nurly Jol» baǵdar­lamasy qabyldanǵandyǵyn aıtty. Qazaqstan qandaı jaǵdaıda bolsa da tyǵyryqqa tirelgen joq jáne taǵdyr mundaı aýyr joldy bizdiń elimizdiń mańdaıyna keziktirmesin dep tileımiz. «Saqtansań saqtaıdy» nemese «Qamdanǵan qapy qalmaıdy» degen baba naqylyna súıensek, Elbasymyzdyń ustanǵan saıasaty táýelsiz elimizdiń odan ári órkendeýine, damyǵan 30 eldiń qataryna enýge bastama bolary sózsiz. Ulyqtaý kezindegi sóılegen sózinde N.Nazarbaev Qazaqstan halqyn bir bolýǵa, jańa reformalardy birlese júzege asyrýǵa shaqyrdy. Bul bizdiń elimizdi tynyshtyq jolymen úmitti bolashaqqa bastaıtyn senim joly dep bilemin. Ulaǵaty mol ulyqtaý sharasyndaǵy Elbasy sózi erteńge degen senimimdi bekite tústi. Baqtybaı JAILAÝ, Sh.Esenov atyndaǵy KMTIÝ PhD  doktoranty. Mańǵystaý oblysy.

Elimizdiń nesibesi eselene bersin!

Árkim ózi shyqqan taýyn bıik bolsyn deıdi. Al óz Otanyna degen qurmet, tipti, erekshe bolýy tıis. Men 1931 jyly dú­nıege kelgenmin. Pat­shalyq Reseıdiń ótken ǵasyrdyń basynda eseptegen sana­ǵynda qazaqtar sany aıtar­lyqtaı kóp bol­­ǵan eken. О́zgege bodan bolyp, óz tizgini ózine tımeı qusa bolǵan qazaq ártúrli náýbetten qyryla-qyryla ataqty tyń ıgerý kezinde óz elinde 30 paıyzǵa da jetpeı qaldy. Deni túrmeden «tyń ıgerýge» shyǵarylǵan  kelimsekterdiń kesirinen halqy­myz rýhanı jaǵynan azyp, soltústik oblystardaǵy az ǵana jurtymyz Qıyr Shyǵystaǵy keıbir, ulttar sııaqty ulttyq qunarynan aıyrylyp qala jazdady. Nursultan Nazar­baevqa, mine, Keńes Oda­ǵynan osyndaı memleketke Prezıdent bolý buıyrǵan edi. Esik kózinde edik, tór­ge shyǵardy. Rý­hy­­myz kúırep edi, qaı­rattandyrdy. Myq­ty memleket qurdy. Eldegi ártúrli etnos ókil­deriniń basyn qosyp, ortaq múdde, bir maqsatqa jumyldyrdy. Ekonomıkamyz ósti. Ultaralyq kelisim men tatýlyqtyń arqasynda beıbitshilikti saqtap, qadirin uqtyq. «Qazaqstan-2050» Strategııasy elimizdiń túpqazyǵy bolyp, álemdegi myqty 30 eldiń qa­taryna kirýge talpynyp jatyrmyz. Jaqsylyqty bilmeıtin keraýyzdar aıtsa aıta bersin, kórmese kórmeı-aq qoısyn, Qazaqstan Ortalyq Azııadaǵy myqty memleketke aınaldy, álem jurtshylyǵy moıyndady. Keshe Elbasyn ulyqtaý rásiminde Reseı men AQSh prezıdentteri «bul sizdiń eńbegińizdiń jemisi» dep quttyqtap jatyr. Buryn birine amalsyzdan bodan bolsaq, ekinshi alpaýyt memleket qazaq jaıly estigen de joq edi ǵoı. Búginde qazaq balasynyń nesibesi ózinde, dáýleti tasydy. Nursultan Nazarbaevtyń «Nur­ly Joly» adas­tyrmas temirqazyǵymyz, Elbasymyz Qazaqstandy taǵy da bıikke bastaı bersin, biz súıeý bolaıyq. Jámıla JANYSBAEVA, Altyn alqa ıegeri. Ońtústik Qazaqstan oblysy.

Ustanar baǵytymyz – Ult jospary

Elbasyn ulyqtaý saltanatyna qatysýshy otan­dastarymyzdyń qatarynda bolǵanyma qýanyshtymyn. Bul oqıǵany eńseli eldigimizdiń jarqyn tarıhı sáti dep qabyldadym. О́ıtkeni, eli­mizdiń Konstıtýsııasyna saı ótkiziletin ulyqtaý rásimi kez kelgen eli men jerin súıe­tin azamattyń júregindegi otanshyldyq rýhty oıatady. Saltanatty sharanyń saılaýdan keıin ile-shala birlik kúni qarsańynda ótýi de oryndy. Sebebi, biz bul saılaý­da berik yntymaǵymyzdy tanyttyq. Qarasaq, Elbasy táýelsizdigimizdiń tarıhynda be­sinshi márte ulyqtaý saltanatyn ótkizip otyr eken. Bul – kez kelgen Memleket basshysyna buıyra bermeıtin baqyt! Osy jyldary elimiz jańa turpatty memleket qurǵan Prezıdentke senim artty, árdaıym qoldaý kórsetti. Sonyń nátıjesinde, elimizdiń ekonomıkasy ilgeriledi, áleýeti kúsheıdi. Medısına men bilim berý salasynda kóptegen oń ózgerister júrdi. Jýyrda Prezıdent Shyǵys óńirine jumys sapary­men kelgende Qazaqstannyń medısınalyq múmkindikterinde qol jetkizgen orasan jetistikter týraly aıtty. Onyń bári strategııalyq damý josparyn qura bilgen Elbasynyń eren eńbegi, kóregendigi dep bilgenimiz jón. Shyǵys óńirinde alǵash ret medısınalyq klas­ter qalyptasty. Radıologııalyq ortalyq quryldy. Salamatty ómir saltyn qalyptastyrý maqsatynda sport nysandary jelisi boı kóterdi. Árıne, munyń bári memlekettiń eń basty qundylyǵy bolyp tabylatyn adamdardyń densaýlyǵyn jaqsartady. Nursultan Ábishuly ulyqtaý saltanatynda «Ult jospary» dep ataǵan reformalardy júzege asyrý barysynda bizdiń baǵytymyz taǵy da aıqyndala tústi. Barshamyzdy jahandyq syn-qaterler jaǵdaıynda jumyla eńbek etý kútip tur. Raıa RAHIMOVA, «Ana men bala ortalyǵy» KMQK dırektory, Shyǵys Qazaqstan oblystyq máslıhatynyń depýtaty. О́SKEMEN.

Murat pen mindet

Qazaqstan halqy birtutas eldik múddeni oılaıtyn, uly isterdiń jolynda birliktiń býynyn bekite azamattyq belsendilik tanytty. Demek, tarıhtyń jańa paraǵy ashyldy. Endi bizdiń aldymyzda qadaý-qadaý mindetter tur. Ony Elbasy Nursultan Nazarbaev ulyqtaý rásiminde sóılegen sózinde naqtylap berdi. Ásirese, el aldynda turǵan bes aýqymdy ishki mindettiń barlyǵynyń da mańyzy aıryqsha ekeni daý­syz. «Birinshiden, bizge turaqtylyǵymyzdyń tiregi retindegi orta taptyń úlesin ulǵaıtyp, bıznesti damytý jáne elge orta tabysy bar turǵyndarynyń sany basym memleket bolýǵa kómektesý kerek», dep oryndy atap ótti Nursultan Ábishuly. Kópetnosty bizdiń elimiz úshin eń basty qajettilik – turaqtylyq. О́ıtkeni, biz el ishindegi turaqtylyq arqyly talaı qıyndyqty eńserip kelemiz. Zaýyt-fabrıkalar jumysyn toqtatyp, jappaı jumyssyzdyq beleń alǵan, zeınetaqy men jalaqy bir­neshe aılap berilmegen táý­elsizdiktiń eleń-alań sha­ǵy barshanyń esinde bolar. Sol bir qıyn kezeńde eldiń turaqtylyǵyn shaı­qaltqysy kelip, túrli aı­la-sharǵymen iritki salýdy kózdegender de tabyldy. Alaıda, Elbasynyń el-jurtty birlikke úndep, qıyndyqty birge eńserýge úndegen, ulttyq ekonomıkany jandandyrýǵa, ár aýylda sapaly ónim óndiretin jańa kásiporyndar ashýǵa bar kúsh-qaıratyn jumsaǵan qaıratkerligin de umyta qoıǵan joq. Qazir elimiz TMD, Or­talyq Azııa sheńberinde ǵana emes, sonymen birge, álemdik órkenıettiń bel ortasynan laıyqty ornyn oıyp alǵan qýatty memleketke aınaldy. Buǵan, árıne, Elbasynyń kóshbasshylyq, saıasatkerlik, reformatorlyq qasıetteri aldymen sebepker bolsa, eń bastysy – elimizdegi turaqtylyq pen birliktiń oń áser etkeni jáne daýsyz. Táýbe dep aıtaıyq, eli­mizde ekonomıkanyń ár salasy qarqyndy damýda, ásirese, shaǵyn jáne orta bıznes keń qanat jaıdy. Jas­tarymyz elimizdiń, tipti, álemniń eń ozyq oqý oryndarynda joǵary bilim alyp, otandyq ekonomıkany ór­kendetýge laıyqty úlesin qosa bastady. Munyń bárine turaqtylyqtyń arqasynda qol jetkizip kelemiz. Al tu­raqtylyǵy shaıqalǵan, aýyzbirligine syna qaǵylǵan elderdiń áleýmettik-eko­nomıkalyq ahýalynyń kúrt nasharlaǵanyna, halqy óz­ge memleketterden pana izde­genine kýá bolyp otyrmyz. Mine, osy turǵydan aıt­qanda, táýelsiz Qazaq­stanymyzdy álemdegi bá­sekege qabiletti 30 eldiń bi­rine, ekonomıkasy qýatty memleketke aınaldyrý úshin turaqtylyq pen birlikti, etnosaralyq tatýlyq pen syılastyqty kózdiń qara­shyǵyndaı saqtaýymyz qa­jet. Turaqtylyq – táýel­sizdigimizdi máńgilik etýdiń, sóıtip, elimizdiń asqar-asqar asýlardy baǵyndyrýyna bas­tar eń basty muratyna aınalsa deımin. Beıbit MAMRAEV,  H.Dosmuhamedov atyndaǵy Atyraý memlekettik ýnıversıtetiniń  rektory, professor. ATYRAÝ.

Qarqyndy ilgerileý kepili

Elbasy Nursultan Nazarbaevtyń Qa­zaqstan Respýb­lıka­synyń Prezı­denti laýazymyna kirisý rásiminde sóılegen sózin teledıdardan muqııat tyńdadym. Shyny kerek, bul joly da sarabdal saıasatker, kóregen kósem ekeni aıqyn kórindi. Elbasy sózinen syndarly saıasatynyń sabaqtastyǵyn ańǵardym. Táýelsizdik jyldary qol jetken tabystarymyz qalaı jymdasyp jatqan bolsa, alda atqarylar aýqymdy ister qanattas qadam basatynyna kózimiz jetti. Mundaı biregeı baılanystaǵy baıandy baǵdarlamalardy júzege asyrýdaǵy aýyr mindetterdi júıelep, jiktep jetkizýi úlken úmittiń tinin shıratyp, tuǵyryn bekite tústi. Memleket basshysy Qazaqstannyń damyǵan 30 eldiń qataryna enýi úshin «Máńgilik El» ulttyq ıdeıasy men «Qazaqstan-2050» Strategııasyna, «Nurly Jol» baǵdarlamasy men «Bes halyqtyq reformaǵa» basymdyq beriletinin atap ótti. Elbasy bul jolda mamyrajaı tirlik bolmaıtynyn, aldaǵy damýymyzǵa áli bes jańa syrtqy syn-qaterler qaýip tóndirip otyrǵanyn da jasyrmady. Bolashaqtaǵy el aldynda turǵan bes aýqymdy ishki mindetterdiń tinin tarqata baıandady. – Birinshiden, bizge turaqtylyǵymyzdyń tiregi retindegi orta taptyń úlesin ulǵaıtyp, bıznesti damytý jáne elge orta tabysy bar turǵyndarynyń sany basym memleket bolýǵa kómektesý kerek, – dep qadap aıtty Nursultan Ábishuly. Munyń qazirdiń ózinde negizi qalyptasyp qalǵanyn jasyrýdyń reti joq. Shalǵaıdaǵy bizdiń aýdan buryn biryńǵaı mal sharýashylyǵymen aınalysyp kelgen-di. Qazir shaǵyn jáne orta kásipkerliktiń kóshi kórikti bola túsýde. Jyl saıyn kásipkerler sany da, olar óndiretin ónimderdiń túrleri de artyp keledi. Endi kásipkerlikti ártaraptandyryp, suranysqa ıe, básekege qabiletti ónim óndirý mańyzdy. Sonda ǵana ilgerileý qarqynymyz burynǵydan da qýatty bolady. Al bul baǵytta Úkimet tarapynan qoldaý jaqsy. Bizge damyǵan elder ekonomıkasynyń negizin shaǵyn jáne orta bıznes quraıtyny úlgi bolýy kerek. Elbasy ustanymdarynyń ilgeri kúnderimizdiń burynǵydan da shýaqty bolatynyna negiz qalaıtynyna bek senimdimiz. Myńjasar DOSOV, Oıyl aýdandyq máslıhaty apparatynyń basshysy. Aqtóbe oblysy.