Qazaqstan tóraǵalyq etedi

Qor prezıdenti Aqtoty Raıym­qulova qonaqtardy qarsy alyp, ótken jyly qor júzege asyr­ǵan ju­mystar týraly máli­met berdi. Ol qor tarapynan 74-ten asa joba men is-shara uıym­dastyrylǵanyn aıtty.

– Parıjdegi IýNESKO shtab-páterinde túrki áleminiń kórnekti ǵalymy Mahmud Qashqarıdyń XI ǵasyrda jazylǵan «Dıýanı Lu­ǵat át-túrk» atty alǵashqy túr­ki tilderi ensıklopedııalyq sózdi­giniń 950 jyldyǵyna arnalǵan halyqaralyq ǵylymı konferensııa men kórme ótti. «Túrki áleminiń tanymal tulǵalary», «Túrki áde­bıe­tiniń jaýharlary», «Túrki ále­miniń ǵylymı qazyna­lary» atty kitap serııalary jaryq kórdi. Baký­de «Túrki áleminiń tarıhı jáne mádenı murasyn IýNESKO tur­ǵy­synan zertteý jáne qorǵaý» taqy­rybynda halyqaralyq konferen­sııa ótkizildi, – dedi qor basshysy.

Sondaı-aq A.Raıymqulo­va­nyń aıtýynsha, Astanada ótken sammıt aıasynda Almaǵul Os­mo­novtyń Bishkektegi úı-mý­zeıin qalpyna keltirý jáne qaıta jóndeý ju­mys­tary aıaq­tal­ǵan. «Túrki álemi 2040-qa kózqaras» qujaty men TURKTIME bastamasyna sáıkes Túrki mádenı murasynyń katalogi daıyndalǵan. Besinshi Dúnıejúzilik kóshpeliler oıyn­dary qoldaý taýyp, Ystan­bulda túrki mádenı murasyn basqarý salasynda mamandar arasynda tájirıbe jáne bilim almasý baǵdarlamasy uıymdastyrylǵan.

Jıynda sarapshylar túrki ha­lyqtarynyń mádenı mura­syn saq­taý jáne qorǵaý baǵy­tynda ynty­maqtas­tyqty keńeı­tý másele­lerin talqylady. Al mem­lekettik organdardyń ókilderi men qor qyz­metkerleri uıym­nyń normatıvtik qujattaryna ózgeris­ter engizý jaıyn qarasty­ryp, 2025–2026 jyl­darǵa arnal­ǵan qordyń jumys josparyna engizilgen Túrki ále­miniń baı murasyn nasıhat­taý, saqtaý jáne qalpyna keltirýge baǵyttalǵan jobalardy pysyqtady.

Aıta keteıik, bıyl qor keńe­sine Qazaqstan tóraǵalyq etedi. Qordyń negizin qalaýshy elderdiń Mádenıet mınıstrleri ekinshi keńesiniń otyrysy aldaǵy 7 aqpa­nda Astana qalasynda ótedi.

Erkinbek SERIKBAIULY,

«Ádebıet pen óner» portalynyń Qazaqstandaǵy ókili