AQTAÝ. 5 aqpan. Aqtaý qalasynda jergilikti mazmundy arttyrý máseleleri boıynsha óńirlik forým ótip, onda birqatar memorandýmdarǵa qol qoıyldy. Bul týraly egemen.kz tilshisi habarlady.
Forýmǵa Mańǵystaý oblysynyń ákimi A.Aıdarbaev, Investısııalar jáne damý mınıstri Á.Isekeshev, Energetıka mınıstri V.Shkolnık, Parlamenti Májilisiniń depýtaty M.Pshembaev, ortalyq memlekettik organdardyń ókilderi, «QazMunaıGaz» UK» AQ, «Qazaqavtojol» RMK, «QazAvtoJol» UK» AQ, «Qazaqtelekom» AQ, «Qazaqstan Temir Joly» UK» AQ, «KEGOC» AQ, «PSA» JShS ókiletti organy, Soltústik-Kaspıı jobasynyń operatorlary – «NCOC» kompanııalary, «Qazaqmys» Korporasııasy» JShS, jergilikti kásiporyndar – taýar óndirýshiler, munaı sektoryndaǵy qyzmet kórsetýshiler men kásiporyndar qatysty.
О́nerkásiptik kásiporyndardyń demeýshilik kórsetý máselelerin talqylaý óńirdegi áleýmettik-ekonomıkalyq ósimdi qamtamasyz etý, sonymen qatar otandyq ónimderdiń damýyna qolǵabys etý boıynsha naqty sharalar qabyldaý jáne jumys oryndaryn saqtap qalý maqsatynda uıymdastyrylǵan
Forým aıasynda «Oblys ákimshiligi, jumys berýshiler jáne jumysshylardyń eńbek sharty men eńbek quqyqtaryn qamtamasyz etetin oblystyq kásipodaq keńesshileri arasyndaǵy ózara yntymaqtastyq týraly», «Oblys ákimshiligi men ulttyq kompanııalar arasyndaǵy jergilikti mazmundy arttyrý máseleleri jónindegi yntymaqtastyq týraly», «Júıeli kásiporyndar men otandyq ónim óndirýshiler arasyndaǵy jergilikti mazmundy arttyrý baǵytyndaǵy ózara yntymaqtastyq týraly» memorandýmdarǵa qol qoıyldy.
Memorandým sheńberinde kásipodaqtyń tapsyrmasy, óndiristik prosessti turaqtandyrý úshin kásiporyn ákimshiligi men memlekettik organdar júrgizetin sharalar týraly kásiporyndar ujymyna túsindirý jumystaryn ótkizý, jumysshylardyń ishki eńbek tártibin saqtaý jáne áleýmettik-eńbek daýlaryn eskertý boıynsha sharalar qoldanýǵa kómektesý máseleleri qamtylǵan.
Mańǵystaý oblysy ákiminiń baspasóz qyzmetiniń habarlaýynsha, jergilikti mazmun úlesiniń joǵarylaýy, ulttyq ónerkásipterge qoldaý kórsetý jáne jumys oryndaryn saqtap qalý sııaqty belsendilik jumystary barlyq forýmǵa qatysýshylarmen jalǵasady.
Gúlaıym Shyntemirqyzy.
Derek: egemen.kz.
Sýret: Serik Maıemerov.