ASTANA. 5 aqpan. Qytaıdyń Gýanchjoý qalasynda ótip jatqan tennısten Federasııa kýbogy jarysynda Qazaqstan ekinshi oıynynda Qytaılyq Taıpeıdi 3:0 esebimen jeńdi. Bul týraly egemen.kz habarlady.
Bul saıysta elimiz Azııa jáne Muhıt aımaǵy elderiniń I tobynda synǵa túsýde. Taıpeımen bolǵan tartys elimizdiń 1-raketkasy Zarına Dıas pen qarsylasy Sı Sý-Veı arasyndaǵy oıynmen bastaldy. Alǵashqy sette WTA reıtınginde 33-satyda turǵan Zarına 6:4 esebimen basym tússe, kelesi kezeńde taıpeılik tennısshi bizdiń qyzǵa qos geımde ǵana ese jiberip, 2:6 esebimen jeńiske jetti. Úshinshi sheshýshi sette Zarına qarsylasyna esh múmkindik bermedi. Nátıjesinde, 6:1 esebimen aıqyn basymdyq tanytty.
Kelesi oıynda kortqa qazaqstandyq Iаroslava Shvedova men Taıpeı eliniń tennısshisi Iıa Sýn-Lı shyqty. Bul kezdesýde Slava 6:1, 6:1 esebimen qarsylasyn ońaı tize búktirip, komandamyzǵa jarys barysyndaǵy merziminen buryn ekinshi jeńisti syılady. Esterińizge sala keteıik, alǵashqy oıynda Qazaqstan Qytaı qyzdarynan 2:1 esebimen aılasyn asyrǵan edi.
Qos komanda arasyndaǵy sońǵy juptyq kezdesýde de bizdiń qyzdar basym boldy. Ulttyq quramanyń kapıtany bul joly da Kámılá Kerimbaeva men Iýlııa Pýtınsevaǵa senim artty. Iýń-Iаń Chan men Hao-Chıń Chan jubyna qarsy oınaǵan qyzdarymyz eki sette 6:0, 6:1 esebimen qarsylastaryn tas-talqan etip jeńdi. Otandyq tennısshiler óz tobyndaǵy kelesi sońǵy oıyndaryn 6 aqpanda Taıland qyzdaryna qarsy ótkizedi.
Azııa jáne Muhıt aımaǵy elderiniń II tobynda 8 memleket saıysqa túsýde. Qazaqstan ázirge «V» tobynda kósh bastap tur. Al «A» tobynda Japonııa tennısshileri alda keledi. Ár toptan birinshi oryn alǵan komanda týrnır jeńimpazy ataný úshin ózara sheberlik baıqasady. Sońynda úzdik komanda Federasııa kýbogynyń ekinshi Álemdik tobynda jeńiliske ushyraǵan komandamen saıysady. Jeńgeni atalǵan toptyń joldamasyna ıe bolady.
Elaman Qońyr.
Derek: egemen.kz.
Sýret: facebook.com.