О́tken saılaý qazaqstandyqtardyń, onyń ishinde qazaq ultynyń birtutas ult bolǵandyǵyn tolyq kórsete bildi. О́ıtkeni, osy saılaýda qazaqstandyqtar buryn-sońdy bolmaǵan saıası belsendilik tanytyp, saılaý ýchaskelerine baryp, Elbasy N.Nazarbaevqa óz tańdaýlaryn jasady.
Sizder jaqsy bilesizder, sol saılaýdan keıingi mańyzdy oqıǵa – Prezıdentti ulyqtaý rásimi. Osy rásimde saılaýaldy tuǵyrnamasy boıynsha sóılegen sózinde Elbasy bes ınstıtýttyq reformany júzege asyratyn tetikti aıtyp berdi. Jeke óz basym senator retinde, saıasattanýshy retinde bul bes reforma bes jylǵa emes, on nemese on bes jylǵa sozylatyn memlekettik qurylymdy, jalpy memlekettiń ekonomıkasyn áleýmettik jaǵynan, saıası jaǵynan, mádenıet jaǵynan qamtıtyn úlken saıası reforma der edim.
Osydan meniń ózimniń túıgenim, 24 jyldyń ishinde Qazaqstan ótpeli kezeńdi aıaqtady dep aıtýǵa bolady. Qazaqstan osy ótpeli kezeńde qazaq memleketin tolyq qura aldy, búkil memlekettik ınstıtýttaryn tolyq ornyqtyrdy. Qazaqstan tolyqqandy birtutas ult retinde qalyptasty dep negizdeýge bolady. Sondyqtan da endi aldaǵy reformalar memlekettiń damý erekshelikterin kórsetetin bolady. Qazaqstandyqtardyń áleýmettik jaǵdaıyn jaqsartý úshin Elbasy keshegi ulyqtaý rásiminde sóılegen sózinde aıtqanyndaı, orta taptyń jaǵdaıyn jasaý qajet.
Prezıdent janynan jańǵyrtý jónindegi arnaıy komıssııa qurylatyn bolady. Ol komıssııaǵa Qazaqstandaǵy eń myqty saıasattanýshylar, sarapshylar, kerek bolsa, shetelden aldyńǵy qatardaǵy mamandar tartylyp, damýǵa baılanysty Ulttyq jospar jasaldy. Ulttyq jospar – 100 qadam retinde jan-jaqty, búkil ekonomıka, áleýmettik sala boıynsha jańǵyrtý barysynda jumys jasaıtyn bolady. Oǵan Ulttyq komıssııa ǵana emes, Qazaqstannyń barlyq azamattary tartylatyn bolady.
Men biz revolıýsııalyq jolmen emes, evolıýsııalyq, reformalyq jolmen damyp kele jatqan memleket retinde Qazaqstan ár ýaqytta da bolashaǵy jarqyn ári dáýletti el qataryna qosylady dep tolyq senimmen aıta alamyn.
Murat BAQTIIаRULY,
senator.