Otanymyzdyń baqytty bolashaǵy tek birlikte.
* * *
Otany birdiń – tilegi bir, júregi bir.
* * *
Kópultty el bolýymyz – bizdiń baılyǵymyz, maqtanyshymyz.
* * *
Qazaqstan – bul ortaq jer, birtutas halyq jáne ortaq keleshek.
* * *
Assambleıa – elimizdegi birlik pen kelisimniń kıeli besigi, tutastyq pen turaqtylyqtyń qutty shańyraǵy.
* * *
Ultaralyq tatýlyq pen kelisim kókten túsken birdeńe emes. Ol memleket pen barshamyzdyń kúndelikti saıasatymyz ben praktıkamyzdyń nátıjesi.
* * *
Ultaralyq tatýlyq pen kelisim – qazaqstandyq ulttyq ıdeıanyń basty ózegi.
* * *
Ulttar arasyndaǵy senim men birlik – ádil álemdik tártiptiń negizi.
* * *
Tatýlyq pen kelisim – elimizdiń tabysty damýynyń bazalyq faktory.
* * *
Bizdiń basty baılyǵymyz – halyqtar men dinder arasyndaǵy tatýlyq pen kelisim.
* * *
Qazaqstan halqy birtutas, birligi myzǵymas kemel elge aınaldy.
* * *
Qazaqstan – kópultty memleket. Mádenı turǵydan alǵanda munyń ózi demokratııalyq memlekettiń aldyna qatań talaptar tartady degen sóz.
* * *
Biz tynyshtyq arqyly – turaqtylyqqa, tatýlyq arqyly – tutastyqqa qol jetkizdik.
* * *
Qazaqtyń erteńin, óziniń, bala-shaǵasynyń erteńin oılaǵan adam aldymen osy eldegi tynyshtyqty oılaýy kerek.
* * *
Ultaralyq jáne konfessııaaralyq qarym-qatynastardyń saıasattanýyna jol bermegenimiz – bizdiń mańyzdy jetistigimiz.
* * *
Halyq birligi degenimiz, bul eń aldymen memlekettik ınstıtýttardyń birligi.
* * *
Bizdiń eń basty baılyǵymyz – berekeli birligimiz.
* * *
Men aýyzbirshilikten aınymaıtyn aqjúrek jurtymnyń qýatty ultqa, shýaqty ulysqa aınalýyna kámil senemin.
* * *
Yrys – yntymaqqa jolyǵady, dáýlet – birlikpen tolyǵady.
* * *
Qazaq halqynyń yntymaǵy men birligi bolmaıynsha, memleketimizdiń tutastyq kelbetin saqtaý múmkin emes.
* * *
El birligi – eń asyl qasıet.
* * *
Birlik – bizdiń qasıetti týymyz.
* * *
Údeýdiń syry – birlikte, júdeýdiń syry – alaýyzdyqta.
* * *
Birligi jaqsynyń tirligi tapshy bolmaıdy.
* * *
Baq ta, taq ta talasqanǵa buıyrmaıdy, halyqtyq iste jarasqanǵa buıyrady.
* * *
Bizdiń babalarymyz tiri bolýy úshin bir bolǵan, biz iri bolý úshin bir bolýymyz kerek.
* * *
Tek birlesip qana, búkil halyqtyń kúsh-jigerin biriktirip qana biz alǵa basa alamyz.
* * *
Birligi berekeli, tirligi merekeli, yntymaǵy jarasqan eldiń ǵana yrysy men tabysy mol bolmaq.
* * *
Turaqtylyqsyz barshanyń baqýatty bolmasyn halqymyz jaqsy túsinedi. Bizdiń halyqtyń kemel danalyǵy da osynda.
* * *
Adam men adamdy, halyq pen halyqty, el men eldi jaqyndastyrar eń berik dáneker – múdde birligi.
* * *
Aýyzbirshilik joq jerde eshqashan da ulttyq ıdeıalar júzege asqan emes.
* * *
Babalarymyz ózgelerdiń tórine shyǵý úshin ózi de meımandaryna qaq tórinen oryn berip, qurmet kórsetken.
* * *
Eńsesi bıik eldikke esi ketken ǵana topyraq shashady.
* * *
О́z halqyn súıetin adam, óz jurtyna jaqsylyq tilegen kisi ózge halyqtardy ashyndyrmaıdy, óz ultyn eshkimge qarsy qoımaıdy.
* * *
Qazaqstandaǵy ultaralyq jarastyqtyń negizgi uıytqysy bolý mindetin aldymen osy Atamekenniń ıesi – qazaq halqy óz moınyna alýy kerek.
* * *
Dúnıede ózara senim men yntymaqtastyq negizinde sheshýge bolmaıtyn problemalar joq ekenine senimdimin. Muny uǵyný úmit uıalatyp, bolashaqqa degen senimdi nyǵaıtady.
* * *
Biz kelisim saıasaty men parasatty ulttyq strategııasyz eshqandaı mindetterdi sheshe almaımyz.
* * *
Jańa qoǵamǵa ótýdiń, qýatty memleket qurýdyń negizgi tetigi – saıası turaqtylyq.
* * *
Kimmen dos bolý, kimmen jaqyndasý, kimnen ózińdi alysyraq ustaý – ultty saqtaýdyń bir kepili.
* * *
Turaqtylyq – saıası máselelerdi sheshýdiń kúshke negizdelmegen tásilderine kóbirek súıengende ǵana saqtalmaq.
* * *
Toleranttylyq bolmaıynsha jahandyq senim de bolmaıdy.
* * *
...etnopopýlızm – demokratııalyq qoǵamnyń denesine shyqqan «bezeý» emes. Ol – dert. Onymen udaıy kúrespeı bolmaıdy. Ol jaǵdaıǵa baılanysty tez ózgerip turady. Qoǵamdy odan ári jetildirgenimizde de qyr sońymyzdan qalmaıdy. Mundaı kesapatpen ákimgershilik jolmen de, ıdeologııalyq jolmen de kúresip, kóp eshteńe bitire almaısyń. Onymen kúrestiń jalǵyz joly – adam materıalynyń sapasyn jaqsartýǵa kúsh salý.
* * *
Jalpyulttyq ıdeıany ómirsheń etetin – Eldiń birligi. Aýyzbirshilik qashqan, alaýyzdyq tasqan jerde eshqashan da jalpyulttyq ıdeıalar júzege asqan emes. Qazaqstannyń shyqqan shyńy men baǵyndyrǵan bıikteriniń eń basty sebebi – birlik, berekesi.
* * *
Bizdiń keıingi urpaqqa amanattar eń basty baılyǵymyz – El birligi bolýy kerek. Osynaý jalpyulttyq qundylyqty biz árbir jastyń boıyna sińire bilýge tıispiz.
* * *
Eldiń tutastyǵy men birligi, tatýlyǵy men tynyshtyǵy eń basty nazarda. El birligi – bizdiń barsha tabystarymyzdyń kilti. Turaqty damýdyń qazaqstandyq modeli búginde búkil álemge úlgi.