Eńbek adamdary – qoǵamnyń negizi. Kún-tún demeı, qyryq qubylǵan aýa raıyna qaramaı, qara jumysymen aınalysyp, qajyr-qaırat tanytyp júrgen qarapaıym jumysshylardy baǵalaýdyń, dáripteýdiń mán-mańyzy erekshe.
Sátbaev qalasynyń ákimi Murat Bóribaevtyń bastamasymen qalada «Eńbekke – qurmet!» aksııasy bastaldy. Aksııa túrli formatta ótkiziledi dep josparlanyp otyr. Biraq eń bastysy, jumyskerlerge, olardyń qaltqysyz qyzmetterine degen shynaıy súıispenshilikti qalyptastyrýdy kózdeıdi.
Ákim bastamasyn alǵashqy bolyp qoldaǵan qalalyq Jastar resýrstyq ortalyǵy kóshelerdegi qar tazalaýshylarǵa ystyq as, shaı ázirlep, jumys oryndaryna aparyp berdi. Jastardy qala ákiminiń ózi bastap bardy.
– Biz osyndaı bolmashy iltıpatymyz arqyly ózderińizge degen qalyń buqaranyń qurmetin, rızashylyǵyn jetkizgimiz keldi. Sizder ýaqytpen sanaspaı, qala tazalyǵy úshin ter tógip júrsiz-der. Bul qyzmetterińiz qandaı da bolsyn maqtaý, marapatqa laıyq, – degen qala basshysy eńbek adamdaryna qatysty túrli deńgeıdegi yntalandyrý, yqylas sharalary úzdiksiz kórsetile beretinin jetkizdi. Aksııa jyl boıyna jalǵasady.
Ulytaý oblysy,
Sátbaev qalasy