Ulybrıtanııanyń bas shahary – Londonda tennısten Bıllı Djın Kıng kýboginiń irikteý týrnıriniń jerebesi tartyldy. Jyl saıyn áıelder arasynda ótip turatyn dástúrli jarysta elimizdiń quramasy bıylǵy maýsymda D tobynda óner kórsetedi. Qarsylastarymyz – Aýstralııa men Kolýmbııa.
1963–2020 jyldar aralyǵynda bul jarys Federasııa kýbogi dep atalatyn. Ǵasyrlar toǵysynda óz ataýyn Bıllı Djın Kıng kýbogi dep ózgertti. Bul esim jankúıerlerge jaqsy tanys. Bıllı ótken ǵasyrdyń 60-70 jyldary álemdegi eń úzdik tennısshilerdiń sanatynda boldy. Ýımbldonda – 6, US Open dodasynda – 4, Aýstralııanyń ashyq birinshiligi men Rolan Garrosta bir-bir retten top jardy. WTA týrnırlerinde 67 márte teńdessiz dep tanyldy. Osyndaı orasan zor tabysynyń arqasynda álemniń birinshi raketkasy atandy. Kıngtiń juptyq saıystaǵy nátıjesi tipten keremet. «Úlken dýlyǵa» sanatyndaǵy básekelerde 18 ret bas júldeni oljalady.
Kortpen qosh aıtysqannan keıin Bıllı Djın Kıng qoǵam qaıratkeri retinde tanyldy. Sporttaǵy áıelderdiń teńdigi jolynda kúresti. Osynyń barlyǵyn eskergen sala basshylary atalǵan jarysty Kıngtiń esimimen ataýdy qup kórdi.
Bıllı Djın Kıng (Federasııa) kýbogin eń kóp AQSh quramasy oljalady. Amerıkalyqtardyń 18 týrnırde asyǵy alshysynan tústi. Chehııa (Chehoslovakııany qosa alǵanda) 11 dodada daralandy. Aýstralııa jeti ret aldyna jan salmady. Ispanııa, Reseı, Italııa ózderiniń myqtylyǵyn bes básekede moıyndatty. Fransııanyń úsh márte mereıi ústem boldy. Germanııa eki jarysta jeńiske jetti. Belgııa, Kanada, Slovakııa, Shveısarııa, OAR bir-bir ret bas júldeni enshiledi. Byltyrǵy jyly Ispanııanyń Malaga qalasynda ótken básekede Italııa quramasyna teń keler komanda tabylmady. Apennın túbeginiń arýlary fınaldyq oıynda Slovakııany san soqtyrdy.