Birlesken kúsh-jiger damýǵa bastaıdy

Shaǵyn quramdaǵy EÚAK otyrysyna Odaqqa qatysýshy elder úkimetteri­niń basshylary: Roman Golovchenko (Belarýs Respýblıkasy), Adyl­bek Qasymalıev (Qyrǵyz Respýblıkasy), Mıhaıl Mıshýstın (Reseı Federa­sııasy), Armenııa Respýblıkasynyń vıse-premeri Mger Grıgorıan, EEK alqasynyń tóraǵasy Baqytjan Saǵyntaev qatysty.

Oljas Bektenov Eýrazııalyq úkimet­aralyq keńes alańyndaǵy halyqaralyq dıalogtiń mańyzdy ekenine toqtalyp, qabyldanǵan sheshimder ıntegrasııalyq úderisterdiń damýyna tyń serpin beretinine senim bildirdi.

О́z kezeginde, Belarýs Respýblı­kasynyń Premer-mınıstri, EÚAK tóraǵasy Roman Golovchenko EAEO elderin tyǵyz ekonomıkalyq qatynastar men aýqymdy saýda aınalymy baılanystyratynyn atap ótti.

Tóraǵalyq etýshi taraptyń málimetin­she, búginde Odaqtyń IJО́ turaqty ósýdi kórsetip otyr. 2024 jyldyń qorytyndysy boıynsha Odaq ekonomıkasynyń jumys isteýiniń negizgi kórsetkishi shamamen 4%-dy quraıdy. Sonymen qatar 2030 jylǵa deıin EAEO sheńberinde ekonomıkalyq úderisterdi odan ári damytý týraly deklarasııada, onyń ishinde álemdik ekonomıkany damytýdyń sońǵy úrdisterin, jańa tehnologııalar men ınnovasııalardyń paıda bolýyn eskere otyryp, Odaqtyń jalpy kózqarasyna jaqyndaý úshin birlesken kúsh-jigerdiń qajettiligi atalyp ótti.

Agroónerkásip keshenindegi óndiristiń turaqtylyǵyn arttyrýǵa jáne salanyń ınnovasııalyq damýyn qamtamasyz etýge baǵyttalǵan birlesken jobalardy iske asyrýdy qoldaý tetigi talqylandy. Asyltuqymdy mal sharýashylyǵyn, aýyl sharýa­shylyǵy daqyldarynyń selek­­sııasyn, tuqym sharýashylyǵyn damy­­tý retinde, mal sharýashylyǵy, aýyl sharýa­shylyǵy ónimderin óńdeý, AО́K ınfra­qurylymyn keńeıtý sııaqty baǵyttarǵa erekshe nazar aýdaryldy.

Sondaı-aq EAEO ıntegrasııalanǵan aqparattyq júıesin damytý keleshegi boıynsha pikir almasty. Atalǵan baǵyt boıynsha jumysty jandandyrý qajet ekeni atalyp ótti.

EÚAK otyrysy keńeıtilgen quramda jalǵasady.