Qoǵamdyq qordyń jańa basshysy bolyp Lazzat Shyńǵysbaeva taǵaıyndaldy, dep habarlaıdy Egemen.kz.
Bolat Jámishev bul qyzmetke 2022 jyldyń qańtar aıynda taǵaıyndalǵan. Ol ókilettik merziminiń aıaqtalýyna baılanysty Qordaǵy jumysyn aıaqtaý týraly sheshim qabyldaǵan.
Aıta keteıik, Bolat Jámishev Qordyń qalyptasýy men damýyna zor úles qosty. Qor 104 qaıyrymdylyq baǵdarlamasy men jobasyna bastamashy bolyp, onyń 62-sin iske asyrdy. 29 qańtarda QR Prezıdenti janyndaǵy Ortalyq kommýnıkasııalar qyzmeti alańynda Qor Basqarmasynyń músheleriniń qatysýymen ótken brıfıngte «Qazaqstan halqyna» qorynyń jumys nátıjeleri týraly baıandaǵan.
«Qorda jumys isteý men úshin úlken mártebe jáne jaýapkershilikti is boldy. Qor qyzmetinde bizdiń bastamalarymyzdy qoldaǵandardyń barlyǵyna shyn júrekten alǵys aıtamyn. Biz birigip aıtarlyqtaı nátıjelerge qol jetkizdik jáne Qordyń jańa basshylyqpen óz damýyn jalǵastyra beretinine senimim mol. Barlyq seriktesterge, donorlarǵa jáne qyzmetkerlerge ortaq ıgi isimizge qosqan úlesi úshin alǵys aıtamyn», dedi Bolat Jámishev.
«Qazaqstan halqyna» Qoǵamdyq qory Qamqorshylyq keńesiniń sheshimimen basshy laýazymyna Lazzat Shyńǵysbaeva saılandy. Ol 2025 jyldyń 1 aqpanynan bastap qyzmetine kirisedi.
Aıta keteıik, L.Shyńǵysbaeva buǵan deıin «Qazaqstan halqyna» qory Basqarma tóraǵasynyń orynbasary qyzmetin atqaryp, memlekettik nagrada – «Eren eńbegi úshin» medalimen, «Atameken» UKP qurmetti qyzmetkeri» medalimen marapattalǵan.