Álem boıynsha 200-ge tarta memleket turǵyndarynyń sýretterin sarapqa salǵan AQSh-tyń Ulttyq geografııalyq qoǵamy qazaqstandyqtardy jahannyń eń kórikti halqy dep tanydy.
Nur.kz saıty habarlaǵandaı, atalǵan qoǵamnyń sarapshylary astanalyqtar men almatylyqtardyń arasynan 100-ge jýyq adamnyń fotosýretterine kóńil aýdaryp, osynyń negizinde zertteý júrgizipti. Sondaı-aq, olar ınternet arqyly saýaldama uıymdastyrǵan. Al oǵan qatysqan 3 myńǵa jýyq azamattyń basym bóligi qazaqtardy reń-basy kelisti ult dep sanaıtyndaryn bildirgen.
Zertteý tobynyń tóraǵasy Dalles Skýlı: «Bul – sırek kezdesetin saraptama. О́ıtkeni, fotosýretterdi tanymal jeli Facebook arqyly qarapaıym halyq baǵalady. Olardyń baǵalary da ártúrli boldy», depti. Sonymen, saraptama nátıjesinde 4,67 koeffısıentti daýys jınaǵan qazaqstandyqtar kósh bastasa, 4,63 koeffısıentpen brazılııalyqtar ekinshi orynnan kóringen. Odan keıingi oryndardy kýbalyqtar, ıtalııalyqtar jáne ıspanııalyqtar ózara bólisken.
Aıta keteıik, otandastarymyzdyń kelbeti Jańa Gvıneıa turǵyndary men Eýroodaq elderiniń azamattaryna kóbirek unaǵan kórinedi. Budan bólek, Azııanyń ońtústik-shyǵysyndaǵy elder de jerlesterimizdiń ádemiligin aıtyp, ınternet arqyly óz daýystaryn beripti.
Joldybaı BAZAR,
«Egemen Qazaqstan».