Elimizdiń birneshe óńirinde bapkerlik jáne sporttyq qyzmet salasynda jalǵan dıplommen jumys istegen qyzmetkerler anyqtaldy. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málimdedi, dep jazady Egemen.kz.
Vedomstvonyń habarlaýynsha, tártip buzýshylar arasynda 9 basshy, 248 jattyqtyrýshy jáne 21 basqa da qyzmetkerler bar. Mundaı jaǵdaılardyń eń kóp sany Túrkistan oblysynda (44 jaǵdaı), Atyraý (30), Almaty (26), Jambyl (22) jáne Aqmola (20) oblystarynda tirkelgen.
«Mysaly, Astana qalasynda olımpıadalyq rezervtiń balalar-jasóspirimder sport mektebiniń basshylarynyń biri joǵary bilim týraly jalǵan dıplommen jumys istegen. Onyń oqý barysynda basqa sport uıymynda nusqaýshy qyzmetin atqarǵany anyqtaldy», dedi Danııar Bıgaıdarov.
Qabyldanǵan sharalar aıasynda 250 jeke tulǵamen eńbek sharty buzylǵan. Al, qalǵandaryn jumystan bosatý máselesi tergeý nátıjeleri boıynsha sheshiledi.
«Mundaı táýekelderdi joıý maqsatynda Agenttik Týrızm jáne sport mınıstrligi men ákimdikterge aldaǵy ýaqytta mundaı oqıǵalardyń aldyn alý boıynsha tıisti usynystar berdi. Bul baǵyttaǵy jumystar áli jalǵasyp jatyr», dedi Sybaılas jemqorlyqqa qarsy qyzmettiń resmı ókili.