Prezıdent Qasym-Jomart Toqaev Japonııa Premer-mınıstriniń arnaýly keńesshisi, Parlament О́kilder palatasynyń depýtaty Akıhısa Nagashımany qabyldady, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev memleketter arasyndaǵy saýda-ekonomıkalyq, ınvestısııalyq jáne ǵylymı-tehnıkalyq baılanystardy keńeıtýge aıtarlyqtaı áleýet bar ekenine toqtaldy. Prezıdent Qazaqstan ekonomıkasyna tartylǵan japon ınvestısııasynyń kólemi 8 mıllıard dollardan asqanyn aıtty. Sondaı-aq elimizdiń sheteldik ınvestorlarǵa, sonyń ishinde Japonııanyń ozyq kompanııalaryna qolaıly jaǵdaı jasaýǵa daıyn ekenin atap ótti.
Arnaýly keńesshi Prezıdentke Japonııa Premer-mınıstri Shıgerý Ishıbanyń ystyq yqylasyn jetkizdi, sonymen qatar Tokıonyń qazaq-japon san qyrly qarym-qatynasyn odan ári jandandyrýǵa beıildigin rastady.
Qasym-Jomart Toqaev pen Akıhısa Nagashıma joǵary deńgeıdegi saıası dıalogty nyǵaıtýdyń mańyzyn atap ótip, saýda, energetıka, kólik, bilim berý, mádenı-gýmanıtarlyq salalaryndaǵy, sondaı-aq klımattyq ózgeris máseleleri boıynsha ekijaqty ózara yqpaldastyqty tereńdetýdiń perspektıvasyn talqylady.