Alamannyń úzdikteri anyqtaldy

Baıqaýǵa 200-den astam materıal túsken. 7 atalym boıyn­sha úzdik úmitkerler anyqtal­ǵan. Onyń ishinde tele­vızııa, radıo salasynda «Úzdik baǵdar­lama», dástúrli baspasóz baǵytynda «Úzdik analıtıkalyq materıal», sosyn «Úzdik tanymdyq materıal», «Úzdik suhbat», «Úzdik fotosýret», «Sheteldik BAQ-ta jarııalanǵan úzdik materıal», «Áleýmettik jelidegi úzdik materıal» syndy atalymdar bar. Jumystardy Par­lament Senatynyń depýtaty, Bas redaktorlar klýbynyń pre­zıdenti Bıbigúl Jeksenbaı, Parlament májilisiniń depýtaty Anas Baqqojaev, Janarbek Áshimjan, Maksım Rojın, Syrtqy ister mınıstrligi Qo­ǵam­dyq dıplomatııa basqar­masynyń basshysy Ilııas Oma­rov syndy qazylar quramy qarap, saraptaǵan.

Jeńimpazdardy marapattaý saltanatynda Ulttyq sport qaýymdastyǵynyń prezı­denti Islambek Saljanov ult­tyq sportty nasıhattaýǵa BAQ ókilderiniń qosqan úlesi zor ekenin aıtyp, júldegerlerdi quttyqtady.

«Ulttyq sport túrleri osy kúnge deıin qarqyndy damyp keledi. Qaýymdastyq eki jylda qundylyqtardy ulyqtaý isinde aıanyp qalǵan joq. Túrli respýblıkalyq jáne halyqaralyq jarys­tar men V Dúnıejúzilik kóshpeliler oıyndary ulttyq sporttyń abyroıyn odan ári bıiktete tústi. Osy oraıda halyqqa aqparat taratyp, ulttyq sporttyń qyr-syryn nasıhattaǵan BAQ ókilderine alǵysymdy aıtamyn», dedi I.Saljanov.

Sonymen «Úzdik analı­tı­kalyq materıal» atalymynda «Egemen Qazaqstan» gazetiniń tilshisi Qýanysh Nurdanbek­­­­uly birinshi oryndy jeńip al­­dy. Áriptesimiz baıqaýǵa «Dúnıe­­­­ge estiledi dúbiri» atty maqa­la­­­syn usynypty. Bul atalymda ­«Nash Kos­ta­naı» gazetiniń til­­­shisi Ashat Abýl-Kadyruly ekin­­shi oryn enshilese, «AIQYN» ­qo­ǵamdyq-saıası gazetiniń ­til­shisi Naýryzbek Sarshaev úshinshi oryn aldy.

Tolyqtyra ketsek, baıqaý­dyń óz deńgeıinde ótýine Bas redaktorlar klýby men Ulttyq medıa qaýymdastyǵy qoldaý kórsetken. Úzdikterdiń arasynan qara úzip, 1-oryn ıelengender – 1 000 000 teńge, 2-oryn alǵandar – 700 000 myń teńge, 3-oryn jeńip al­ǵan­dar – 500 000 myń teńge qarjylaı syıaqymen qosa «ALAMAN» halyqaralyq medıa baıqaýynyń tuǵyryn aldy.