Oralda 20 jastaǵy jigit ustaldy, onyń qaltasynan esirtki zaty tabyldy, dep habarlaıdy Egemen.kz.
- Qoǵamdyq qaýipsizdikti baqylaý barysynda JBO ınspektory kópqabatty úıdiń aýlasynda kúdik týdyrǵan adamdardy baıqady. Oqıǵa ornyna jedel túrde patrýldik polısııa qyzmetkerleri jiberildi. Tekserý barysynda polısııa qyzmetkerleri 20 jastaǵy azamatty ustady, onyń qaltasynan erekshe ıisi bar jasyl-qońyr tústi ósimdik tektes zat tabyldy, - delingen habarlamada.
Atalǵan fakti boıynsha sotqa deıingi tergeý bastaldy. Zańnamaǵa sáıkes, osyndaı qylmystar úshin 80 AEK mólsherinde aıyppul salý nemese jeti jylǵa deıin bas bostandyǵynan aıyrý jazasy qarastyrylǵan.