2024 jyly Qazaqstanda 1026 mal urlyǵy tirkeldi – byltyrǵy jalpy urlyq faktileriniń 3 paıyzyn. Olardyń jartysynan kóbi erkin jaıylymda jasalǵan, dep habarlaıdy Egemen.kz.
Polisia.kz aqparatyna sáıkes, polısııa byltyr 89 qylmystyq topty quryqtap, olardyń quramyndaǵy 572 kúdiktini ustady. Barlyǵy 4,5 myńnan astam urlanǵan mal tabylyp, ıelerine qaıtaryldy.
IIM resmı ókili Shyńǵys Alekeshevtiń aıtýynsha, sońǵy bes jylda mal urlyǵy 64 paıyzǵa azaıǵan.
Sondaı-aq jaıylym erejelerin buzǵany úshin Ákimshilik quqyq buzýshylyq týraly kodekstiń 408-baby boıynsha ákimshilik jaýapkershilik belgilengen. 2024 jyly 38,5 myńnan astam osyndaı quqyqbuzýshylyq anyqtaldy. Odan bólek mal urlyǵy úshin Qylmystyq kodekske jeke bap engizilgen. Onda múlki tárkilenip, 12 jylǵa deıin bas bostandyǵynan aıyrý jazasy qarastyrylǵan.
2025 jyldyń qańtar aıynda elimizde 69 mal urlyǵy tirkeldi. 53 kúdikti ustaldy. 10 qylmystyq top áshkerelendi. Urlanǵan 450 maldyń 134-i ıelerine qaıtaryldy.