ASTANA. 2 mamyr. Qyrǵyzstan azamattary Tájikstan prezıdenti janyndaǵy esirtkige baqylaý jasaý jónindegi agenttiktiń qyzmetkerlerin shekarada 80 kg synappen qolǵa túsirdi. Bul týraly Tájikstannyń «Ozodı» radıosy habarlady.
Mánbeniń jetkizýinshe, Qyrǵyzstan bıligi Tájikstannyń esirtkini baqylaý jónindegi agenttiginiń qyzmetkerin qolǵa túsirgen. Olar 30 sáýir kúni qyrǵyzdyń Qara-Bek aıylymen shektesetin Lakkon Isfara djamoaty tusynda 80 kg tartatyn synapty alyp, shekarany kesip ótpek bolǵan.
Onyń aıtýyna qaraǵanda, Qara-Bek aıylynyń turǵyndary bulardyń arasynda qolǵa túsken qyrǵyzdardy bosatýdy talap etken jıyn ótkizgen. Sol sııaqty Tájikstan jaǵy da óz qyzmetkerlerin shyǵaryp alý jóninde kelissóz júrgizgen.
Qyrǵyzstan memlekettik shekara qyzmetiniń boljamy boıynsha, Batken aýdanynyń Qara-Bek degen jerinde 2015 jylǵy 30 sáýir kúni qyrǵyz shekarashylary Tájikstannyń 7 azamatyn qolǵa túsirgen. Olardyń úsheýi Tájikstan Respýblıkasy esirtkini baqylaý agenttiginiń qyzmetkerleri bolyp shyqsa, taǵy úsheýi Qyrǵyzstan azamattary kórinedi.
Qazir mamyrdyń 2-si kúni bolǵan jaǵdaıdy anyqtap, istiń odan ary órbý sıpatyna kelisý úshin Qyrǵyzstan men Tájikstan shekara qyzmetteriniń ókilderi kezdespekshi.
Qurysh Nurymbet.
Derek, sýret: Ozodı.