Almaty oblysyndaǵy Almaty-Bishkek tas jolynyń 102-shi shaqyrymynda eki kólik soqtyǵysyp, saldarynan úsh adam mert boldy, dep habarlaıdy Egemen.kz
Atalǵan jol-kólik oqıǵasyna qatysty qylmystyq is qozǵalyp, tergeý amaldary júrgizilip jatyr.
«Aldyn ala málimet boıynsha Chevrolet Cobalt júrgizýshisi qarsy jolaqqa shyǵyp ketip, Hyundai Elantra kóligimen soqtyǵysqan. Apat saldarynan Hyundai Elantra júrgizýshisi men jolaýshysy oqıǵa ornynda kóz jumdy. Sondaı-aq Chevrolet Cobalt kóliginiń jolaýshysy túrli dárejedegi dene jaraqattarymen aýrýhanaǵa jatqyzyldy», delingen habarlamada.
Almaty oblysynyń polısııa departamenti júrgizýshilerdi jol qozǵalysy erejelerin qatań saqtaýǵa, jyldamdyqty buzbaýǵa jáne jolda abaı bolýǵa shaqyrady.