Tótenshe jaǵdaılar mınıstrligi 6-7 aqpan kúnderi elimizdiń ońtústigi men batysynda sý tasqyny kezeńine daıyndyq jumystaryn pysyqtamaq, dep jazady Egemen.kz.
Mınıstrlik josparyna saı «Kóktem-2025» respýblıkalyq komandalyq-shtabtyq oqý-jattyǵýdyń 1-shi kezeńi ótedi.
Oqý úılestirý jáne jetekshilik etý jónindegi respýblıkalyq shtab Atyraýda ornalasady.
Oqý-jattyǵý sheńberinde eki kún boıy Almaty, Shymkent qalalarynda, Almaty, Atyraý, Aqtóbe, Batys Qazaqstan, Jambyl, Qyzylorda, Mańǵystaý, Túrkistan jáne Jetisý oblystarynda profılaktıkalyq is-sharalar uıymdastyrylady.
Shara aıasynda aımaqtardaǵy dybystyq dabyl belgileri de tekseriledi. Tekserý jumysy 6 - aqpan saǵat 11: 00-ge josparlanǵan. Osyǵan oraı mınıstrlik turǵyndardy úreıge boı aldyrmaýǵa shaqyryp otyr.