Bul týraly «QazAvtoJol» habarlamalarynda aıtyldy, dep jazady Egemen.kz.
Abaı, Qaraǵandy oblystary aýmaǵyndaǵy tasjoldarda kólik qozǵalysyna shekteý qoıý – aýa raıynyń buzylýyna baılanysty bolyp otyr.
Habarlamada aıtylǵandaı, búgingi saǵat 19:30-da Abaı oblysyndaǵy «Qaraǵandy-Aıagóz-Tarbaǵataı-Boǵas» avtojolynyń 383-704 shaqyrym aralyǵyndaǵy ýchaskesinde (Qaınar aýylynan Aıagóz qalasyna deıin) kóliktiń barlyq túriniń qozǵalysyna shekteý qoıyldy. Joldy 6 aqpanda saǵat 06:00-de ashý josparlanǵan.
Sondaı-aq dál sondaı habarlamada búgingi saǵat 20:00-de Qaraǵandy oblysynda «Astana-Qaraǵandy-Almaty» avtojolynyń 1505-1864 shaqyrym aralyǵyndaǵy ýchaskesinde (Atameken aýylynan Balqash qalasyna deıin) kólikterdiń barlyq túriniń qozǵalysyna shekteý qoıylǵany, joldyń ashylýy ýaqyty 6 aqpanda saǵat 07:00-ge josparlanǵany málim etilgen.