Elimizdiń batysy men ońtústigindegi respýblıkalyq mańyzy bar eki jolda kólik qozǵalysy shekteldi, dep jazady Egemen.kz.
«QazAvtoJol» kompanııasynyń habarlaýynsha, qolaısyz aýa raıyna baılanysty Aqtóbe, Qyzylorda oblystaryndaǵy jol ýchaskeleri saǵat 11:30-dan bastap jabylǵan.
Aqtóbe oblysynda «RF shekarasy-Aqtóbe-Qyzylorda-Almaty-QHR shekarasy» avtojolynyń 776-1240 shaqyrym aralyǵyndaǵy ýchaskesinde (Aqtóbe qalasynan Qyzylorda oblysynyń shekarasyna deıin) kóliktiń barlyq túri úshin qozǵalys shektelgen.Qyzylorda oblysynda «RF shekarasy-Aqtóbe-Qyzylorda-Almaty-QHR shekarasy» avtojolynyń 1240-1362 shaqyrym aralyǵyndaǵy ýchaskesi (Aqtóbe oblysynyń shekarasynan Aral qalasyna deıin) de jabylǵan.Jol ýchaskelerin búgin saǵat 20:00 ashý josparlanyp otyr.