Premer-mınıstr Oljas Bektenovtiń tóraǵalyǵymen ótken keńeste Memleket basshysynyń Úkimettiń keńeıtilgen otyrysynda bergen energetıkany damytý jáne ıadrolyq klaster qurý jónindegi tapsyrmalaryn júzege asyrý barysy qaraldy.
Prezıdenttiń elektr energetıkasy ınfraqurylymyn qarqyndy damytý jáne qajetti rezervter qurý jónindegi tapsyrmasyn eskere otyryp, 2025–2031 jyldarǵa arnalǵan elektr energııasynyń boljamdy teńgerimi tyńdaldy. Elektr energııasyn tutynýdyń udaıy ósýine baılanysty jeke ınvestısııalar esebinen jumys istep turǵan elektr stansalaryn jańǵyrtý arqyly 2035 jylǵa deıin 26,5 GVt deńgeıinde jańa generasııasy bar qýattar qurylymy qarastyrylý kózdelgen.
Energetıka mınıstri Almasadam Sátqalıev birinshi atom elektr stansasynyń qurylysy boıynsha áleýetti jetkizýshilermen júrgizilgen kelissózder týraly baıandady.
Premer-mınıstr AES salý máselesinde elimiz úshin barynsha ekonomıkalyq tıimdilikti qamtamasyz etý qajet ekenine toqtaldy. Jetkizýshini tańdaýda el ishindegi qundylyqty arttyrýǵa, óndiristi lokalızasııalaýǵa jáne tehnologııa transfertine mán berý tapsyryldy.
Sondaı-aq atom ǵylymyn, sala mamandaryn daıarlaý boıynsha bilim berý baǵdarlamalaryn damytýdyń keleshegin talqylady. «Qazaqstan atom elektr stansııalary» JShS basshysy Tımýr Jantıkın, Ulttyq ıadrolyq ortalyǵynyń basshysy Erlan Batyrbekov, Iаdrolyq fızıka ınstıtýtynyń basshysy Saıabek Sahıev saraptamalyq kózqarastaryn ortaǵa saldy.