Qazaqtyń aıaýly da kórnekti aqyn qyzy, Memlekettik syılyqtyń laýreaty, qoǵam qaıratkeri Farıza Ońǵarsynovanyń esimi poezııasymen de, eliniń kemel keleshegi úshin sińirgen eren eńbegimen de el jadynda jańǵyra beredi. О́ıtkeni, aqynnyń názik te káýsar jyrlaryn barsha oqyrman súıip oqıdy. Aqynnyń shyǵarmashylyǵyn zertteýge talpynys bildirýshiler arasynda Atyraýdaǵy Nazarbaev zııatkerlik mektebiniń oqýshylary da bar.
Atalǵan bilim ordasy hımııa-bıologııa baǵytynda shákirt tárbıeleýge mashyqtanǵanmen, munda jas býynnyń bilimdi, bilikti bolýymen birge, eldiń tarıhy men mádenıetin, ádebıetin men ónerin tereń meńgerýine basymdyq beriledi. Mektep dırektory Aıdarbek Aıtbýkeshovtiń aıtýynsha, ásirese, ádebıetke jany qumar oqýshylardyń talabyna zor qoldaý jasalyp otyr. Tipti, mektep oqýshylarynyń Farıza aqynǵa arnaǵan shyǵarmalarynyń jınaǵy shyǵarylyp, aqyn murasyn keńinen nasıhattaý da qolǵa alynypty. Sol sebepten, bilim ordasynda qazaqtyń kórnekti aqyny Farıza Ońǵarsynova atyndaǵy arnaýly synyp ashý uıǵarylypty.
Aqyn atyndaǵy arnaýly synyptyń ashylýynda Farıza Ońǵarsynovanyń kýrstasy, fılologııa ǵylymdarynyń doktory, professor Qadyr Júsip stýdenttik kúnderdiń, aıaýly aqynnyń poezııa álemine alǵash qadam basqan sátteriniń esteligimen bólisti. Al pedagogıka ǵylymdarynyń kandıdaty Bıbigúl Qaıyrjanqyzy aqyn poezııasynyń tereń syrlary týraly áńgimeledi. Farıza aqyn shyǵarmashylyǵyn zertteýge talpynys bildirgen mektep oqýshylary óz óleńderin oqydy.
Arnaýly synyptyń ashylýyna aqynnyń sińlisi Arıta Asqarqyzy da qatysty.
Joldasbek ShО́PEǴUL,
«Egemen Qazaqstan».
Atyraý oblysy.
Sýretti túsirgen
Rahym QOILYBAEV.