ASTANA. 6 aqpan. Ońtústik Qazaqstan oblysy Saryaǵash aýdany Yntymaq aýylynyń turǵandarynyń arasyndaǵy qaqtyǵys yryqtandyrylyp, tynyshtyq qalpyna keltirildi. Bul týraly QazTAG tilshisi habarlady.
Polıseıler Saryaǵashtaǵy jaǵdaıdyń tynyshtalǵanyn jetkizip otyr. «Úsh kún buryn Yntymaq aýlynda pyshaqtan alǵan jaraqattan salyq komıtetiniń qyzmetkeri qaza tapty. Ol osy aýyldyń turǵyndarymen janjaldasyp qalǵan eken. Qaza tabýshy jigittiń týystary ony jerlegennen keıin, 4 aqpanda tús aýa kóshede ótken jıynda buǵan aıyptyny jazalaýdy talap ete bastady. Stıhııalyq jınalysqa qatysqandar shamamen saǵat 17.00-te jolaı úılerdi, saýda núkteleri men avtomobılderdi órteýge kóshti, qaqtyǵys kezinde adamdar zardap shektiá, - dedi aýyl turǵyndary keshegi beısenbi kúnniń keshinde.
Basqa da derek kózderinen belgili bolǵandaı, Yntymaq aýlyna aýdandyq ishki ister bóliminiń qyzmetkerleri kelgen, arnaıy maqsattaǵy kúshter men JÁAJ (SOBR) engizilgen. Elektr jaryǵy men ınternet óshirilip, uıaly baılanystyń jumysy úzilgen. QazTAG agenttigine Qazaqstan ishki ister mınıstrligi qoǵamdyq keńesiniń múshesi Seıtqazy Mataev málim etkendeı, «Saryaǵash aýdanynda shıelenis oryn aldy».
«Ońtústik Qazaqstan oblysynyń ákimi Asqar Myrzahmetov bastaǵan jergilikti bılik aýylǵa kelip, shıelenisti yryqtandyrýda jedel sharalar qabyldady, aýyl aqsaqaldarymen túsindirý jumystaryn júrgizdi. Quqyq qorǵaý organdary tekserý bastady», - dedi Mataev.
Astanadan juma kúni túske deıin mınıstrlik basshylyǵy osy qaqtyǵysqa qatysty resmı túsinikteme beredi dep málim etti.
Qurysh Nurymbet.
Derek, foto: QazTAG.