ASTANA. 6 aqpan. Búgin Almatydaǵy Balýan Sholaq atyndaǵy sport saraıynda Qazaqstan Respýblıkasy At sporty federasııasynyń esep berý-saılaý otyrysy ótkizilip, onyń qorytyndysynda Temirhan Dosmuhambetov bir aýyzdan federasııa prezıdenti bolyp saılandy. Bul týraly Egemen.kz tilshisi hbarlady.
Temirhan Dosmuhambetov – Qazaqstan Respýblıkasy Parlamenti Májilisiniń depýtaty, Qazaqstan Ulttyq Olımpııalyq komıtetiniń prezıdenti. Endi ol jańa qoǵamdyq jumysyn osy mindetterine qosyp atqaratyn bolady.
Al atalmysh federasııanyń burynǵy prezıdenti Aleksandr Mashkevıch osy qoǵamdyq uıymnyń qurmetti prezıdenti bolyp saılandy. Eske sala keteıik, Mashkevıch myrza osynaý olımpııalyq sport túriniń federasııasyn ol alǵash qurylǵan kezden basqaryp keldi.
Otyrysta sondaı-aq federasııanyń vıse-prezıdenti ári bas hatshysy bolyp belgili sport fýnksıoneri Pıter Bergman saılandy. Onyń aty bizdiń kóptegen tanymal sportylarymyz týrasyndaǵy fılmderdiń prodıýseri ári ssenarısi retinde de belgili.
Damır Qojamqul.
Derek, foto: Egemen.kz.