О́SKEMEN. 6 aqpan. Shyǵys Qazaqstan oblysynyń Ulan aýdanynda jumys oryndaryn saqtaý týraly 18 memorandýmǵa qol qoıyldy. Bul týraly egemen.kz tilshisi habarlady.
Jumys oryndaryn saqtaý jáne jergilikti turǵyndardyń ál-aýqatyn kóterý – Shyǵys Qazaqstan oblysyndaǵy qalalar men aýdandar ákimdikteriniń negizgi mindeti. Memleket basshysynyń tapsyrmasyn oryndaý maqsatynda oblys ákimi Danıal Ahmetov jergilikti atqarý organdaryna osyndaı tapsyrma júktedi. О́ńirdegi áleýmettik máselege alǵashqylardyń biri bolyp Ulan aýdanynyń ákimdigi den qoıdy.
Aýdan ákimdiginiń habarlaýynsha, óndiristik úderisterdi turaqtandyrý, eńbek quqyǵyn qamtamasyz etý jáne jumys ornyn saqtaýǵa kepildik berýge erekshe kóńil aýdarylýda. Ulan aýdany oblysty aýyl sharýashylyǵy ónimderimen qamtamasyz etetin azyq-túlik beldeýine jatatyn óńir. Sondyqtan, búginde aýdandaǵy kásiporyndarmen jumys oryndaryn saqtaý, jumysshylardyń eńbek quqyǵyn qorǵaý máseleleri boıynsha júıeli jumys atqarylýda. Atap aıtqanda, Ulan aýdany ákimdigi men 18 kásiporyn jetekshileri arasynda bıznestiń áleýmettik jaýapkershiligi, ónim kólemin ulǵaıtý, jumys oryndaryn saqtaý týraly memorandýmdarǵa qol qoıyldy. Bul – qandaı jaǵdaı bolǵanda da kásipkerlerdiń óz qyzmetkerlerin jumyssyz qaldyrmaýdyń aldyn almaq.
Dýman Anash.
Derek: egemen.kz.
Sýret: Ulan aýdany ákimdigi.