Hromtaý qalasynda zamanaýı sahna, sıfrlyq fılm kórsetý júıesi, shyǵarmashylyq úıirmelerge arnalǵan birneshe kabıneti bar 400 oryndyq mádenı-demalys ortalyǵy ashyldy. Nysan Eurasian Resources Group (ERG) pen Aqtóbe oblysy ákimdiginiń arasyndaǵy áleýmettik mańyzy bar jobalardy júzege asyrý týraly memorandým aıasynda salyndy.
Onyń qurylysyna ERG quramyndaǵy «Qazhrom» TUK» AQ-y 1,6 mlrd teńgeden astam qarjy bóldi. Hromtaý aýdanynyń 90 jyldyǵyna, Jumysshy mamandyqtary jylynyń bastalýyna oraı ortalyqta alǵashqy is-shara ótti. Oǵan Aqtóbe oblysynyń ákimi Ashat Shaharov qatysyp, zamanaýı mádenıet oshaǵynyń óner men rýhanııatty ulyqtaıtyn, jastardyń shyǵarmashylyǵyn shyńdaıtyn mańyzdy nysanǵa aınalatyndyǵyn atap ótti.
Mádenı-demalys ortalyǵynyń ashylýyna «Eýrazııalyq Top» JShS Bas dırektory Serik Shahajanov ta qatysty. Onyń aıtýynsha, birneshe jyl buryn ERG basshylyǵymen kezdesýlerdiń birinde Dóń ken baıytý kombınatynyń qyzmetkerleri Hromtaýda zamanaýı kınozal ashý týraly usynys kótergen. О́ıtkeni qala turǵyndary kıno kórý úshin oblys ortalyǵyna qatynap júrgen.
«Kompanııa jaıly eńbek jaǵdaılaryna ǵana emes, qyzmetkerlerimizdiń demalysyn uıymdastyrýǵa da erekshe kóńil bóledi. Shahterler men kenshiler qalasy úzdiksiz ósip keledi. Eńbekkerlerimiz ben Hromtaý qalasy turǵyndarynyń saýaldaryna súıene otyryp júzege asyrylatyn barlyq joba adam ómirin jaqsartady dep oılaımyz», dedi S.Shahajanov.
Hromtaý qalasyndaǵy №5 mektep-gımnazııasynda ınnovasııalyq qurylǵylarmen jumys isteıtin, robottehnıkaǵa arnalǵan «Codi Play», STEM kabınetteri jasaqtalǵan. Bul balalarǵa oıyn arqyly baǵdarlamalaý men IoT (ınternet zattar) tehnologııalaryn meńgerýge, sondaı-aq ınjenerlik oılaý, logıkalyq sheshimder qabyldaý, zamanaýı tehnologııalardy qoldanýǵa múmkindik beredi. О́ńir basshysy osy gımnazııada ERG kompanııasynyń demeýshiligimen jabdyqtalǵan ınnovasııalyq STEM kabınetimen tanysty. О́tken jyly ERG 179,5 mln teńge ınvestısııa bólip, osy qarajatqa №5 mektep-gımnazııasynyń oqý kabınetterine ınteraktıvti taqtalar ornatyldy, ashanasy jańartyldy, májilis, sport zaldary qajetti jabdyqtarmen tolyqty.
Oblys ákimine ERG jel elektr stansasy da tanystyryldy. 2024 jyldyń sońynda árqaısysynyń qýaty 6,25 MVt bolatyn eki jel generatory iske qosylyp, Dóń ken baıytý kombınatyna qýat tarta bastady. Bul – qazirgi ýaqytta elimizde jumys istep turǵan eń qýatty jel generatorlary. «Hromtaý» JES qurylysyna 74 mlrd teńge ınvestısııa jumsaldy. Bıyl jyl sońynda barlyq generator iske qosylady dep josparlanǵan. Sol kezde Hromtaýdan jylyna 460 mln kVt/saǵ elektr qýaty óndiriledi. Balamaly «jasyl energııa» kóziniń qosylýy kómirtektik qýat óndirgende atmosferaǵa shyǵarylatyn 440 myń tonna kómirqyshqyl gazy men 4 myń tonnadan astam lastaýshy zat shyǵarylymdaryn joıýǵa múmkindik beredi.
ERG Ǵylymı-zertteý ınjınırıng ortalyǵynyń jańa zerthanasy tanystyryldy. Bul jerde óndiristik qaldyqtardy qaıta óńdeý ádisteri jetildirilip, tereń zerthanalyq taldaýlar júrgiziledi. Osy jaǵynan kompanııa basshylyǵy tarapynan tabıǵat qorǵaý júıesin jetildirý, qorshaǵan ortany lastaýdy azaıtý, qaldyqtardy tereń óńdeý ádisterine erekshe mán berilip jatyr.
Eki apta buryn Aqtóbe oblysy ákimdigi men Eurasian Resources Group (ERG) arasyndaǵy jyl saıynǵy dástúrli Memorandýmǵa qol qoıyldy. Osy qujat negizinde Hromtaý qalasynda 800 mln teńgege jabyq júzý basseıni salynady. Basseın qurylysyna qajet qarjynyń jartysyn ERG bıyl bóledi.
«ERG qyzmetin bastaǵaly Top kásiporyndary ornalasqan óńirler turǵyndarynyń turmys-tirshiligin jaqsartýǵa basymdyq berip, kóptegen turǵyn úı, mektep, sport, mádenıet ortalyqtaryn saldy. Bul jumys aldaǵy ýaqytta da jalǵasa beredi. Bıyl kásiporyndarymyz ornalasqan qala turǵyndarynyń usynysyn eskere otyryp, óńir basshylarymen birge bilim salasy men sportty damytýǵa mán beremiz», deıdi ERG Dırektorlar keńesiniń tóraǵasy Shýhrat Ibragımov.
Aqtóbe oblysy