Qazaqstanda jerdiń spýtnıktik monıtorıngi júrgizilip jatyr. Bul týraly búgin Úkimet otyrysynda Sıfrlyq damý, ınnovasııalar jáne aeroǵarysh ónerkásibi vıse-mınıstri Dmıtrıı Mýn aıtty, dep jazady Egemen.kz.
Buryn jerdiń qunarlylyǵyn tekserý úshin ınspektorlar sonda baryp teksergen. Barlyq jumys qaǵaz arqyly júrgizilgen. Vıse-mınıstr bul kezeńde memlekettik bazalar arasynda baılanys bolmaǵanyn aıtty.
Qazir bul úrdis sıfrlandyrý kómegimen jeńildetilip, «Jer ınspektory» júıesi iske qosylǵan.
«Qazir 116 mln ga aýyl sharýashylyǵy jerleriniń monıtorıngi júrgizilip jatyr. 2022 jyldan bastap jerdi tıimsiz paıdalaný saldarynan 12 mln ga jer memleket menshigine qaıtaryldy. 2025 jyly taǵy 2 mln gektar jerdi qaıtarý josparlanǵan Jergilikti turǵyndar úshin 5 mln ga aýyl sharýashylyǵy jerleri qaıta bólindi», dedi Dmıtrıı Mýn.
Spýtnıktik monıtorıng kómegimen qazir eldiń barlyq aýmaǵy baqylaýǵa alynǵan. Jer ıeleri SMS jáne jeke kabıneti arqyly avtomatty túrde habarlama alady. Osy arqyly memlekettik organdarǵa qajetti biryńǵaı derekter bazasy qurylǵan.