Chempıon ustaz

Bilim men sport – eki bólek álem bolyp kóringenimen, Aıgúl Erjanova bul eki salany sheber úılestirip keledi. Sózimiz dálelsiz emes. Otyz jyldan astam ýaqytyn bilim salasyna arnaǵan pedagog byltyr memleket basshysynyń qolynan «Qazaqstannyń eńbek sińirgen ustazy» medalin aldy. Al bıyl 54 jastaǵy muǵalim kásibı sportshylar qatysqan ja­rys­ta 100 kılo ziltemirdi kóterip, rekordtyq kór­setkish ornatty.

«Osy jarysqa jıyr­maǵa jýyq memleketten nebir myq­ty sportshylar kelgen. Al el qu­ramasy bul jarysqa al­ǵash ret qa­tysyp otyr. Je­ńis tuǵy­rynan kóringenime, árı­ne, qýanyshtymyn. Men oqý­shylaryma adam múm­kindiginiń sheksiz ekenin kórsetkim keldi. Bilim men sportty qatar alyp júrýge ábden bolady. Aıtsam, sen­beýińiz múmkin. О́zim bul sport túrine 52 jasymda kel­dim. Kópshilik úshin bul kesh bastalǵan jol kórinýi múmkin. Biraq adam shyn qalasa kózdegen mejesin ba­ǵyndyra alady», deıdi ol.

Iá, Aıgúl Erjanova bar-joǵy bir jarym jyl ishinde aýyr atletıkany meńgerip, álemdik arenalarda top jardy. Osy ýa­qyt aralyǵynda, tipti, bir­neshe márte álem chem­pıony atanyp úlgerdi jáne ol munymen toqtap qal­maq emes. Aldaǵy ýaqytta sport­shy muǵalim Afrıkada óte­tin ha­lyqaralyq jarysqa qatys­paq.

«Árbir jarys – jańa tá­jirıbe, árbir rekord – óz-ózińdi jeńý. Jeńis – tek medal alý emes. Eń bastysy – sený, áreket etý jáne nátıje úshin aıanbaı eńbektený. Bul – tek sport­taǵy emes, ómirdegi de úlken qaǵıda», deıdi chempıon muǵalim.