Grekııa parlamenti burynǵy spıker, «Jańa demokratııa» partııasynyń múshesi Konstantın Tassýlasty el prezıdenti etip saılady. Ony daýys berýge qatysqan 276 depýtattyń 160-sy qoldaǵan, dep habarlaıdy Egemen.kz.
Prezıdent bolyp saılaný úshin Tassýlas kemi 151 daýys jınaýy kerek edi. Ol endi Grekııanyń alǵashqy áıel-prezıdenti Katerına Sakellaropýldyń ornyna keledi. Memleket basshysy qyzmetine naýryzdyń 13-nen bastap kirisedi. Konstantın Tassýlas 66 jasta.
Buǵan deıin Mádenıet mınıstri, Qorǵanys mınıstriniń orynbasary qyzmetterin atqarǵan.