Akademık Kamal Ormantaev týraly kóp aıtyldy, kóp jazyldy, tipti fılm de túsirildi. Ol – elimizdegi balalar hırýrgııasynyń negizin qalaǵan dáriger, myńdaǵan balanyń ómirin qutqaryp, olardyń taǵdyryna áser etken tulǵa. Ata-analarǵa úmit, balalarǵa ómir syılaǵan ǵalymǵa qandaı qurmet kórsetsek te artyq emes.
Akademık medısınada óz mektebin qalyptastyrdy, shákirt tárbıeledi. Onyń oqýshylary búginde professor, dosent, bilikti maman atanyp, ustazynyń isin jalǵastyryp keledi. Bulardyń kóbi – qarapaıym aýyldan shyqqan azamattar. Kamal Sárýáruly Syr óńirinde týsa da, tutas qazaqtyń, tipti álemniń dárigeri, ǵalymy bola aldy.
Professor K.Ormantaevty Qazaq ulttyq medısına ýnıversıteti ujymy qaıbir jyly «HHI ǵasyrdyń Avısennasy» ataǵymen marapattady.
Ol shyn máninde uly dáriger, ǵalym, ustaz boldy. Onyń eńbekteri árqashan suranysqa ıe. Stýdentter men dárigerler Kamal Sárýárulynyń oqýlyqtaryn izdep oqıdy. Naǵyz ǵalymnyń jazǵany shań baspaıdy.
Akademıktiń mereıtoıyna arnalǵan derekti fılmde ony D.Selındjerdiń «Jar jaǵalaǵan jalǵyz» romanyndaǵy keıipkerge teńegen edim. Romandaǵy keıipker balalardy qutqarýdy armandasa, Kamal Sárýáruly shyn máninde myńdaǵan balanyń ómirin saqtap qaldy. Ol – naǵyz dáriger, óz isiniń janashyry, ustaz, akademık. Ol ashyq sóıleıtin, keıde qatal da kórinetin. Biraq árdaıym adal bolatyn. Osy qasıeti jańa urpaqqa da buıyrsyn deımiz.
Talǵat MOMYNOV,
UǴA akademıgi