Baıǵanın aýdanynyń ýchaskelik ınspektory Oımaýyt eldi mekeniniń janynda brakonerdi ustady. Ol aýyl turǵynynyń «Taıota Haılıýks» avtokóligin toqtatyp, tekserýi kezinde júksalǵyshynan 10 kıik eti men 12 kalıbrli ańshy myltyǵyn tapqan, dep habarlaıdy Egemen.kz.
Qazirgi kezde atýǵa tyıym salynǵanyna qaramastan, qystap qalǵan kıikterdi aýlaǵan Baıǵanın aýdanynyń turǵynyna qatysty tergeý jumystary bastaldy. Onyń on bas kıikti qalaı atyp alǵany, janynda seriktesteriniń bar-joǵy anyqtalyp jatyr.
Aıta ketý kerek, elsizdegi zańsyz kıik aýlaýshylardy ustaý «Brakoner» jedel-profılaktıkalyq is-sharasyn ótkizý barysynda júzege asyryldy. Brakonerdiń 12 kalıbrli ańshy myltyǵy tárkilendi.