О́tkenin eske alǵan – óskendiktiń belgisi

Taraz memlekettik pedago­gıkalyq ınstıtýtynyń uıyt­qy bolýymen Jambyl o­b­lystyq kórme zalynda Qazaq handyǵynyń 550 jyl­dyǵyna oraı «О́ner – ata-dás­túr mu­rasy» atty kórme uıym­das­tyryldy. «Kári tarıhtyń qoı­naýyna úńiler bolsaq, at­tyń jalynda, túıeniń qomynda kún keshken qıly-qıly zaman­darda qanshama el men jurt túrli alapattardyń joı­qynyna tótep bere almaı, jutylyp kete bardy. Tipti, jer betinen joǵalyp ketkenderi de jeterlik. Allaǵa shúkirshilik, ulan-baıtaq jerimiz, tórtkúl dúnıe moıyndaǵan egemen memleketimiz bar. «О́tkenin umytqan – óshkendiktiń belgisi, ótkenin eske alǵan – óskendiktiń belgisi» degen, bul is-sharanyń jas urpaqqa berer tálimi zor», deıdi oqý ornynyń rektory, professor Darııa Qojamjarova. Kórmege atalmysh oqý or­nynyń Shyǵarmashylyq ma­mandyqtar fakýltetiniń oqy­týshylary men stýdent­teri­niń 60-tan astam qoldanbaly óner jáne keskindeme janryndaǵy týyndylary qoıyldy. Atap aıtqanda, Q.Nurbaıqyzynyń «Aısha bıbi», A.Amanjoldyń «Sheber qoly», A.Neıfelbdtiń «Besik», A.Janqojaevanyń «Karavan» atty kartınalary tarıhtyń tereń qoınaýynan syr shertedi. Al, J.Turmahanovanyń «Báıterek tarıhy», Sh.Ju­malıevanyń «Astana joly», G.Nurpashtyń «Ertegi álemi», J.Qılybaevanyń «Kók­tem kóńili», A.Fıeshkanyń «Nejnost» taqyrybyndaǵy óner týyndylarynda egemen eli­mizdiń jetken jetistikteri men tolaıym tabystary kórkem beınelengen. Sonymen qatar, ulttyq mýzykalyq aspaptar men kıimder, kúndelikti turmys-tirshilikte qoldanylǵan zattar qala turǵyndary men qonaqtarynyń nazaryn aýdardy. Oralhan DÁÝIT, «Egemen Qazaqstan». Jambyl oblysy.