Baspasóz kúnine oraı Mádenıet mınıstrliginiń Til komıteti “Memlekettik til jáne buqaralyq aqparat quraldary” atty respýblıkalyq konkýrs jeńimpazdaryn marapattaý rásimin ótkizdi.Bul konkýrsqa elimizdiń qoǵamdyq ómirinde memlekettik tildiń qyzmet etý aıasyn keńeıtý men mártebesin nyǵaıtý baǵytynda memlekettik tildiń ahýaly týraly ótkir de ózekti synı materıaldar jarııalaǵan jekelegen tilshiler men shyǵarmashylyq toptar jáne buqaralyq aqparat quraldary qatysqan bolatyn.
“Úzdik basylym”, “Úzdik telearna”, “Úzdik radıo”, “Úzdik saıt” jáne “Úzdik avtor” nomınasııalary boıynsha jeńimpaz atanǵandar mınıstrliktiń arnaıy dıplomdarymen jáne qarjylaı syılyqtarmen marapattalsa, bir top jýrnalıst buqaralyq aqparat quraldary tarapynan arnaıy kádege ıe boldy. Sondaı-aq Mádenıet mınıstrligi elimizdiń rýhanı ómirine atsalysqan buqaralyq aqparat ókilderine “Mádenıet qaıratkeri” tósbelgisin tabys etti. Áriptesterimiz – “Egemen Qazaqstan” respýblıkalyq gazetiniń jaýapty hatshysy Janat Elshibek pen gazet sholýshysy Súleımen Mámet “Mádenıet qaıratkeri” belgisiniń ıesi atandy.
Berik SADYR.