*«Nurly Jol» baǵdarlamasy bıyl 17 ınfraqurylymdyq jobany qamtıdy. Bul týraly Májilistiń ekonomıkalyq reforma jáne óńirlik damý komıtetiniń otyrysynda Investısııalar jáne damý mınıstriniń birinshi orynbasary Jeńis Qasymbek málim etti. Bulardyń 12-si avtojol salasynda, qalǵan 5-i temirjol ınfraqurylymy jáne teńiz porttary, Astana áýejaıy boıynsha iske asyrylady.
*Indýstrııalandyrý baǵdarlamasy Almaty ónerkásibiniń damýyna aıtarlyqtaı yqpal etti. Baǵdarlama qolǵa alynǵan alǵashqy bes jylda oblysta 230 jańa ónerkásip nysany ashylyp, jumys istep turǵan 125 kásiporynda shyǵarylatyn ónim kólemi artqan, 9 myńǵa tarta adam jumyspen qamtylǵan.
*Ústimizdegi jyly Qaraǵandyda 4 jańa zaýyt boı kóteredi. О́tken jyly 1 jobanyń qurylysy bastalyp ketken, búginde aıaqtalý ústinde. Al ınvestısııanyń quny 38 mlrd. teńgeni quraıdy. «Saryarqa» arnaıy ekonomıkalyq aımaǵynda 2 zaýyt metallýrgııalyq jáne áskerı oq-dári shyǵaratyn zaýyt ornalasady. Taǵy 2 zaýyt sheteldik ınvestorlardyń kómegimen salynady.
*Oralda jergilikti úlesti ulǵaıtý jónindegi memorandýmdarǵa qol qoıyldy. Sonyń arqasynda 47 mlrd. teńgeniń kólemindegi jumystar atqarylady. Osyǵan arnalǵan jıynda Investısııalar jáne damý mınıstri Áset Isekeshev atap ótkendeı, Elbasy tapsyrmasyna sáıkes osyndaı sharalar barlyq óńirde uıymdastyrylyp jatyr. «Aımaqtarda qazirdiń ózinde 12 forým ótip, 200 memorandýmǵa qol qoıyldy. Qazaqstan álemdik ekonomıkanyń bir bóligi bolǵandyqtan, jahandyq ózgeristerden tys qala almaıdy», – dedi ol.
*Kanadalyq ınvestorlar Qazaqstanda aýrýhanalar men emhanalar salýdy josparlap otyr. Atap aıtqanda, «InterHealth Canada» kompanııasy elimizdiń ońtústik óńirinde emhanalar men aýrýhanalar salýǵa daıyn tur. Sheteldik menedjerler bilimderi men tájirıbelerimen bólisip, medısınalyq qyzmetterdiń sapasyn arttyrýdy josparlap otyr.
*Astanada turatyn 50 zeınetker shańǵy jarysyna qatysty. Uly Otan soǵysyndaǵy Jeńistiń 70 jyldyǵyna arnalǵan máni men sıpaty ózgeshe dodada áıelder arasynda Lıýdmıla Staryh, erler arasynda Leonıd Antonov pen Vasılıı Kýchın top bastady. Jeńimpazdar men júldegerlerge arnaıy medaldar men baǵaly syılyqtar tabys etildi.
*Almaty joldaryndaǵy 10 ekologııalyq beket jańa «Kólik ınspektory» keshenimen jabdyqtalady. Ázirge mundaı keshen tájirıbelik maqsatta tek bir beketke ornatyldy. Jańa keshen búkil kólikter legi boıynsha ártúrli aqparattardy tirkeıdi.
Habarlar «QazAqparat»,
BNews.kz jáne Nur.kz derekteri
boıynsha daıyndaldy.