Salyqtyq-bıýdjettik reformalarǵa daıyndyq taqyryby óńir-óńirde qyzý talqylanyp jatyr. Úkimet ókilderi jergilikti kásipkerlerdiń usynys, pikirin tyńdap, kópshilikti tolǵandyrǵan saýaldarǵa jaýap berip keledi.
Qarjy vıse-mınıstri Dáýren Temirbekov pen Ulttyq ekonomıka mınıstrligi Salyq jáne keden saıasaty departamentiniń dırektory Erlan Saǵynaev bastaǵan bıznes-qoǵamdastyqpen talqylaý úshin qurylǵan jumys toby Jetisý oblysynda kezdesý ótkizdi. Kezdesýde «Birge biz kúshpiz» kásipkerler qaýymdastyǵynyń basshysy Edil Qazaqbaev sheshim qabyldaýda salmaqty kózqarastyń mańyzdylyǵyn atap ótti. Onyń aıtýynsha, memleket pen kásipkerler arasyndaǵy syndarly dıalog elimizde qolaıly bıznes orta qalyptastyrýǵa múmkindik beredi.Tutynýshylardyń quqyǵyn qorǵaý jáne sybaılas jemqorlyqqa qarsy is-qımyl jónindegi keńestiń tóraǵasy Banııamın Faızýllın memlekettiń bıýdjettik saıasatyndaǵy aldaǵy ózgeristerdi shaǵyn jáne orta bıznes ókilderimen jan-jaqty talqylaý qajet ekenin basa aıtty.
Qaraǵandy oblysynda bolǵan kezdesýde «Qazaqstandaǵy jeke kásipkerlikti damytýǵa járdemdesý» qaýymdastyǵynyń prezıdenti Vladımır Bykov: «Ekonomıkalyq turaqtylyq – memlekettik resýrstardy tıimdi basqarýdan, yntalandyrý júıesin qaıta qaraýdan jáne bıýdjettik qarajatty utymdy paıdalanýdan bastalady. Granttardy paıyzsyz nesıelerge aýystyrý qajet, osylaısha qarajat ekonomıkaǵa qaıta oralady», dedi. О́ńirdiń qurylys salasy ókilderi atynan «Qurylysshylar qaýymdastyǵy» JK jáne ZT prezıdenti, «Aspap» О́K dırektory Tólegen Áshimov: «Salyq kodeksi jobasynda kásipker óz kontragenti memlekettik organdarda tıisti túrde tirkelgen jaǵdaıda, basqa tulǵalardyń salyqtyq jáne ózge de mindettemeleri úshin jaýapkershilikke tartylmaýǵa tıis degen erejeni qarastyrý qajet», dedi.
Sonymen qatar Qostanaı oblysynda ótken kezdesýde qarjy vıse-mınıstri Erjan Birjanov elimizdegi QQS shegi álemdegi eń tómengi mólsher ekenin atap ótip, sondaı-aq QQS tóleýshiler shoǵyryn kóbeıtý bıznes úshin teń básekelestik jaǵdaılardy qalyptastyrýǵa múmkindik beretinin eske saldy.
Qostanaılyq kásipkerler salyq reformasyna utymdy ári teńgerimdi kózqaras qalyptastyrý úshin jergilikti deńgeıde syndarly dıalogtiń mańyzdylyǵyn atap ótti. Oblystyq Qurylysshylar qaýymdastyǵynyń atqarýshy dırektory Irına Vıkýlova qurylys salasy boıynsha qurylys kompanııalary men jobalaýshylarǵa salyqtyń saralanǵan tásilin qoldaný qajettigin aıtty. Sonymen qatar kásipkerler qurylys salasyn qoldaý sharalaryn, onyń ishinde ekinshi deńgeıli bankterde nesıeler boıynsha jeńildetilgen mólsherlemelerdi qarastyrý múmkindigin talqylaýdy surady.
Almaty oblysynda ótken talqylaýda Ulttyq ekonomıka vıse-mınıstri Baýyrjan Qudaıbergenov keńeske qatysýshylardy Úkimettiń QQS mólsherlemesin 16% deńgeıinde belgileý, birqatar basym salaǵa 10% tómendetilgen mólsherlemeni engizý jáne aýyl sharýashylyǵy taýaryn óndirýshilerdi salyqtan bosatý jónindegi usynysymen tanystyrdy. Kezdesý barysynda Almaty oblysy bıznes-qoǵamdastyǵynyń ókilderi aldaǵy salyqtyq ózgeristerge qatysty óz pikirlerin bildirdi. Almaty oblysy Kásipkerler palatasy janyndaǵy Saýda jáne qyzmet kórsetýdiń salalyq keńesi tóraǵasy Áset Talǵatbek arzan nesıeler úshin bazalyq mólsherlemelerdi tómendetýdi jáne salyq tóleý júıesin jeńildetýdi usyndy.
«Bilim Invest «ulttyq bilim berý ınvestorlary qaýymdastyǵynyń vıse-prezıdenti Kúlánda Batyrbekova reformalardy júrgizý kezinde bilim salasyna qoldaý kórsetý qajettigine toqtaldy. Atap aıtqanda, óńirlerdiń bilim berý salasyn damytý kartasyn ázirleýdi usyndy.
«Aýyldardaǵy bilim berý uıymdarynyń damýyn baqylaý qajet. Ol úshin jekemenshik bilim berý mekemelerin saralaý kerek. Jeke ǵımaraty bar, mektepter men balabaqshalar bar, úı-jaıdy jalǵa alatyndar bar. 50-75 balaǵa arnalǵan, 100-200 balaǵa eseptelgen tárbıe jáne bilim berý mekemeleri bar», dep túsindirdi K.Batyrbekova.
Sondaı-aq spıker salyqty kóterýmen qatar, bıýdjet shyǵystarynyń qurylymyna syn kózben qaraýdyń mańyzdy ekenine toqtaldy. Qatań bıýdjettik erejelerdiń saqtalýyn baqylaýdy kúsheıtý qajet. Keńeske qatysýshylar salyq saıasatyndaǵy ońtaıly sheshimderdi izdeý úshin memleket pen bıznes arasyndaǵy syndarly dıalogtiń mańyzdylyǵyn atap ótti.
Táýelsiz Kásipkerler qaýymdastyǵynyń tóraǵasy Qambar Baekenov reformalardyń ashyqtyǵy men kásipkerlerdiń pikirlerin esepke alý shaǵyn jáne orta bıznesti qoldaýdyń tıimdi tetikterin ázirleýge múmkindik beretinine senim bildirdi, bul óz kezeginde elimizdiń ekonomıkalyq damýyna oń áserin tıgizedi.
Qorytyndylaı kele, vıse-mınıstr Baýyrjan Qudaıbergenov barlyq usynys nazarsyz qalmaı, jan-jaqty taldanyp, jumys barysynda eskeriletinin aıtty.