Jyl basynan beri ózge memlekettiń tólqujatymen júrgen, qos azamattyǵy bar 35 adam ustaldy, dep habarlaıdy Egemen.kz.
Kóbine eki eldiń kýáligin birdeı enshilegender Reseı men О́zbekstanda tirkelip turady. Zeınetaqyny da eki jaqtan alatyndary bar. Resmı aqparatqa súıensek, byltyr mundaı 433 derek anyqtalǵan.
Aıta keteıik, elde qos azamattyqqa zańdy túrde tyıym salynǵan. Zańǵa baǵynbaǵandar 200 aılyq eseptik kórsetkishke deıin aıyppul tóleıdi nemese elden shyǵarylady.
Máselen, byltyr kóliktegi polısııa departamentiniń qyzmet kórsetý aýmaǵynda qos azamattyǵy bar 433 adam anyqtaldy. Sot sheshimimen olardyń 250-ne aıyppul salynyp, 183-i elden shyǵaryldy. Olardyń qatarynda Reseı, Túrkııa, AQSh jáne Germanııa azamattary basym.