«Qazaqmys» ujymdyq kelisim-shartta kózdelgendeı, «Jomart» kenishinde qaza tapqandardyń otbasyna barlyq qajetti kómekti kórsetetinin málimdedi, dep habarlaıdy Egemen.kz.
Áleýmettik jáne materıaldyq qoldaý maqsatynda, sonyń ishinde moraldik zııandy óteý úshin, qaza tapqandardyń otbasyna jumyskerdiń ortasha jyldyq jalaqysynyń 10 eselengen mólsheri jáne 2 mıllıon teńgeden astam jerleý rásimderin uıymdastyrýǵa tólenedi.
Sondaı-aq asyraýshysynan aıyrylý jaǵdaıyna aı saıynǵy tólemder, balalardyń oqý aqysyn tóleý, qaza tapqan jumysshylardyń nesıe jáne qaryzdaryn jabý, sondaı-aq otbasy músheleriniń ótinishi boıynsha basqa da kómek túrleri qarastyrylǵan.