Buǵan deıin nysana kózdeýden 14 medalmen (5 altyn, 6 kúmis, 3 qola) jalpy esep boıynsha kósh bastaǵan Qazaqstan qorjyny taǵy 3 medalmen (2 altyn, 1 qola) tolyqty, dep jazady Egemen.kz.
Atalǵan 3 júldege qol jetkizgen ulttyq qurama sportshylaryn aıta ketsek, komandalyq saıysta Konstantın Malınovskıı, Iýrıı Iýrkov, Nıkıta Shahtorın birinshi oryn aldy. Al vıntovkamen 50 metrden jatyp nysana kózdeýde Tokıo Olımpıadasyna qatysqan tájirıbeli Iýrıı Iýrkov 620.2 upaı jınap, jeńimpaz atandy. Taǵy bir otandasymyz Nıkıta Shahtorın qolaǵa ıe boldy (616.7 ball).
23 elden 320-dan astam sportshy qatysqan Azııa Kýbogi Bangkokta (Taıland) ótip jatyr, 22 aqpanda aıaqtalady.