2025 jyldyń 1 qańtarynan bastap Qazaqstanda jańa avtonesıe qaýlysy kúshine endi. Jańa erejege sáıkes, otandyq avtokólikti satyp alý maqsatynda nesıe rásimdeý kezinde qaryz alýshynyń basqa nesıeleri boıynsha bereshegi esepke alynbaıdy, dep habarlaıdy Egemen.kz.
Avtonesıeniń basty artyqshylyqtary:
Qaryz júktemesi eseptelmeıdi – buryn nesıe tarıhyndaǵy qaryz mólsheri ótinim maquldanýyna áser etse, endi otandyq kólikke nesıe alý kezinde bul kórsetkish nazarǵa alynbaıdy. Tómen paıyzdyq mólsherleme – avtonesıe jyldyq 4% mólsherlememen beriledi. Otandyq óndiristi qoldaý – jańa qaýly Qazaqstandaǵy avtokólik óndirisin damytýǵa baǵyttalǵan.Nesıeleý sharttary boıynsha talaptar:
Jańa avtokólik satyp alý – nesıe Qazaqstanda alǵash ret tirkeletin jańa kólikterge beriledi. Paıdalanylǵan avtokólik satyp alý – nesıe alý úshin kólik qunynyń keminde 50%-yn bastapqy jarna retinde tóleý qajet. Úsh jylǵa deıin paıdalanylǵan avtokólik – bastapqy jarna keminde 30% bolýy shart. Turǵyn úı qurylys jınaq júıesi sheńberinde – arnaıy baǵdarlamalar arqyly avtonesıe rásimdeýge múmkindik beriledi.Alaıda qarjy naryǵyn damytý agenttiginiń málimetinshe, bankter nesıelik táýekelderdi basqarý maqsatynda qaryz alýshylardyń boryshtyq júktemesin esepteýdi jalǵastyrady. Bul shara qarjy júıesiniń turaqtylyǵyn qamtamasyz etýge baǵyttalǵan.
Jańa qaýly 2026 jyldyń 31 jeltoqsanyna deıin kúshinde bolady. Bul ózgerister otandyq avtokólik naryǵyn jandandyryp, qazaqstandyqtarǵa tıimdi sharttarmen avtonesıe rásimdeýge múmkindik beredi.