Jetisýda «Jumysshy mamandyqtar jylyna» oraı qolǵa alynyp jatqan túrli jobalar aıasynda «Eńbekpen er atanǵan» kósh kerýen mádenı is-sharalary bastaldy. Aýyl-aımaqtaǵy mamandyq ıelerin qanattandyrý maqsatyndaǵy joba barysynda turǵyndar aýdan ortalyǵyna jınalyp, óz topyraǵynan shyqqan eńbek maıtalmandarynyń erligin nasıhattaıdy. Arnaıy kórmeler uıymdastyrylyp, mártebeli mamandardyń eńbegi aıshyqtalady.
Oblystyq mádenıet, arhıvter jáne qujattama basqarmasynyń uıymdastyrýy-men qolǵa alynǵan is-sharada eńbektiń qundylyǵyn uǵyndyratyn kitaptar men sýretter kórmesi ótti. Odan bólek, mýzeı jádigerlerinen kórmeler qoıylyp, konserttik baǵdarlamalar usynyldy. Búginge deıin osyndaı kósh kerýen Eskeldi, Kóksý aýdandarynda bolyp ótti. Is-shara barysynda Qarabulaq, Balpyq bı aýyldaryndaǵy mádenıet úılerinde S.Seıfýllın atyndaǵy oblystyq ortalyq kitaphana «Adal adam – Adal eńbek – Adal tabys» atty kitap kórmesin uıymdastyrdy. Ádebıettegi eńbek adamynyń beınesin ashatyn kórkem shyǵarmalar da kórmeden tabyldy. Kósh kerýenniń qorytyndysynda konferensııa uıymdastyrylyp, eńbek adamdaryna arnalǵan jýrnal shyǵarylady dep josparlanyp otyr.
«Jobanyń maqsaty – eńbek adamdarynyń jetistikterin dáripteý, qoǵamdaǵy rólin kóterý, eńbek adamdarynyń ómirlik jolyn ádebıet, óner týyndylary arqyly tanytý. Sol arqyly jastardy eńbekke, adaldyqqa, jaýapkershilikke tárbıeleý, aımaqtyń eńbek dástúrlerin jańǵyrtý ári saqtaý, jumysshy mamandyqtarynyń tarıhy men zamanaýı múmkindikterin tanystyrý», deıdi Halyq shyǵarmashylyǵy ortalyǵynyń mamany, aqyn Jangeldi Nemerebaev.
Jetisý oblysy