Dinı basqarma bekitken 2025 jylǵy dinı kúnder kestesine sáıkes, bıyl Ramazan aıynyń alǵashqy kúni kóktemniń birinshi kúnine, ıaǵnı 1 naýryzǵa sáıkes keledi, dep habarlaıdy Egemen.kz.
Kestege sáıkes bıyl oraza 29 kúnge sozylady.
Ramazan – musylmannyń tán lázzattarynan ýaqytsha tyıylyp, rýhanı áleýetin arttyratyn qasıetti aı. Bul aıda adamdar qudaıǵa qulshylyǵyn arttyryp, izgi áreketterdi kóptep jasaýy tıis.
Sondaı-aq bul aıda tamaqtan ǵana emes, beıpil sózder men qajetsiz áńgimeden de tyıylǵan durys. Bul týraly Shákárim Qudaıberdiuly «Musylmandyq sharty» eńbeginde bylaı deıdi:
«Qalaı bolsa solaı kúnádan tyıylmaı, aýzyna ne kelse sony sóılep júrgendeı oraza saýapty bolmaıdy. Bálkim, qabyl da bolmas degen qaýip bar».