Elordada órt sóndirý kóliginiń júrgizýshisi baǵdarshamnyń qyzyl túsine ótip ketip, jolaýshylar kóligimen soqtyǵysqan. Saldarynan ekinshi kólikte otyrǵan 52 jastaǵy jolaýshy qaza tapty, dep habarlaıdy Egemen.kz.
Qalalyq polısııa basqarmasynyń habarlaýynsha, jol apaty Bógenbaı batyr dańǵyly men Jeńis kóshesiniń qıylysynda bolǵan.
«О́rt sóndirý kóliginiń júrgizýshisi baǵdarshamnyń qyzyl túsine ótip ketip, Kia kóligimen soqtyǵysqan. Oqıǵa saldarynan Kia kóliginiń júrgizýshisi men jolaýshysy aýrýhanaǵa jetkizildi. Keıinirek 52 jastaǵy jolaýshy alǵan jaraqattarynan kóz jumdy. Tergeý amaldary júrgizilip jatyr», delingen habarlamada.
Abaısyzda adam ólimine ákep soqqan jol qozǵalysy erejesin buzý deregi boıynsha qylmystyq is qozǵalǵan.