Astanada Premer-mınıstr Oljas Bektenov pen alǵashqy resmı saparymen kelgen Qyrǵyz Respýblıkasy Mınıstrler kabınetiniń tóraǵasy – Prezıdent Ákimshiliginiń basshysy Adylbek Qasymalıev shaǵyn jáne keńeıtilgen quramda kelissózder júrgizdi.
Taraptar Qazaqstan Prezıdenti Qasym-Jomart Toqaev pen Qyrǵyzstan Prezıdenti Sadyr Japarov arasynda qol jetkizilgen ýaǵdalastyqtardyń júzege asyrylý barysyn qarady. Onda saýda-ekonomıkalyq, ınvestısııalyq, tranzıttik-kólik, sý-energetıkalyq, týrıstik, mádenı-gýmanıtarlyq yntymaqtastyq, sondaı-aq AО́K-ke qatysty máselelerdiń keń aýqymy qamtyldy.
«Memleket basshylarymyzdyń ózara senim men shynaıy dostyq rýhyndaǵy turaqty baılanystary bizdiń kópqyrly qatynastarymyzdy jańa belesterge kóterýge yqpal etti. Saýda baılanystaryn nyǵaıtý jáne tereńdetý eki el ekonomıkasynyń damýyna mýltıplıkatıvti áser etedi. О́tken jyldyń qorytyndysy boıynsha ózara saýda kórsetkishteri taǵy da artyp, 1,7 mlrd dollardy qurady. Sonymen qatar biz saýda-ekonomıkalyq ózara is-qımyldy odan ári keńeıtý úshin aıtarlyqtaı áleýetti kórip otyrmyz», dep atap ótti O.Bektenov.
«Shyn máninde, eki baýyrlas memleket arasyndaǵy ekijaqty yntymaqtastyǵy erekshe strategııalyq sıpatqa ıe. Ejelden baýyrlas halyqtarymyzdy ǵasyrlar boıy qalyptasqan dostyq, tatý kórshilik jáne týysqandyq qarym-qatynas, ortaq mádenıet, til, tipti salt-dástúrimiz baılanystyrady. Bul kezdesý eki tarapty da qyzyqtyratyn kóptegen másele boıynsha pikir almasýǵa, eki eldiń múddelerine saı keletin jańa usynystar ázirleýge múmkindik beredi dep senemin», dep atap ótti A.Qasymalıev.
Kelissózder barysynda áleýetti ashý jáne taýar aınalymyn arttyrý tetikteri talqylandy.
Tranzıttik-kólik salasynda qazaq-qyrǵyz shekarasynyń ótkizý qabiletin arttyrý boıynsha keshendi is-sharalar iske asyrylýda. Shekarada «Aqsý» – «Kamyshanovka» jáne «Besaǵash» – «Kıchı-Kapka» beketteri sııaqty avtomobıl ótkizý beketterin jańǵyrtý jáne keńeıtý jumystary júrgizilýde. Sondaı-aq «Sortóbe» – «Tokmok» jáne «Aýqatty» – «Ken-Býlýn» ótkizý beketterin damytý josparlanǵan.
Sý-energetıka salasyndaǵy yntymaqtastyqqa erekshe kóńil bólinedi. Shý jáne Talas ózenderi boıynda vegetasııalyq kezeńde sýmen qamtamasyz etý, Kırov sý qoımasyn qaýipsiz paıdalaný jáne óńirlik energetıkalyq qaýipsizdik máseleleri talqylandy.
Týrızm – ózara tıimdi yntymaqtastyqtyń mańyzdy baǵyty. Jańa týrıstik baǵyttardy damytý sharalary, onyń ishinde transshekaralyq eko-baǵyttar qurý, belsendi týrızm úshin ınfraqurylymdy damytý jáne qonaqúı bıznesine ınvestısııalar tartý máseleleri talqylandy.
Mádenı-gýmanıtarlyq yntymaqtastyq jelisi boıynsha bıyl Qyrǵyzstanda Qazaq kınosy kúnderin ótkizý josparlanǵan, sondaı-aq Qyrǵyzstanda elimizdiń joǵary oqý oryndarynyń fılıaldaryn ashý máseleleri pysyqtalyp jatyr.
Kelissózder qorytyndysy boıynsha Oljas Bektenov Qazaqstan Úkimeti qazaq-qyrǵyz saýda-ekonomıkalyq áriptestiginiń joǵary serpinin qoldaýǵa daıyn ekenin atap ótti.